नागपूर जिल्ह्यातील राऊळगाव येथील एसबीएल एनर्जी लिमिटेड या स्फोटके व दारूगोळा निर्मिती करणाऱ्या कंपनीत 1 मार्च रोजी झालेल्या स्फोटातील आणखी एका जखमी महिला कामगाराचा मृत्यू झाला आहे.. सोमवारी 27 वर्षीय महिला कामगार सीमा धुर्वे यांचा उपचारादरम्यान मृत्यू झाला आहे... स्फोटात त्या सुमारे 70 % भाजल्या होत्या. त्यांच्यावर ऑरेंज सिटी रुग्णालयातील तज्ज्ञ डॉक्टरांकडून उपचार सुरू होते; मात्र सोमवारी डॉक्टरांनी त्यांना मृत घोषित केले. त्यामुळे या दुर्घटनेतील मृतांची संख्या 23 वर पोहोचली आहे. दरम्यान, ऑरेंज सिटी रुग्णालयात 12 जखमी कामगार अद्यापही मृत्यूशी झुंज देत आहेत.