कोल्हापुरात महाविकास आघाडीमध्ये बिघाडी निर्माण झाली आहे. काँग्रेस नेते सतेज पाटील आणि ठाकरे शिवसेनेचे नेते अरुण दुधवाडकर यांनी पत्रकार बैठक घेऊन आघाडी झाल्याची घोषणा केली होती. पण त्या घोषणेनंतर प्रभाग क्रमांक 5, 10, 17, 19 मधील उमेदवारी मिळवण्यावरून काँग्रेस आणि ठाकरे सेनेत जोरदार रस्सीखेच सुरू आहे. कोणत्याही परिस्थितीत या चारही प्रभागात ठाकरे शिवसेनेला उमेदवारी मिळालीच पाहिजे अशी भूमिका स्थानिक ठाकरे शिवसेनेने वरिष्ठांकडे मांडली आहे. या संदर्भात उद्या दुपारपर्यंत ठाकरे शिवसेनेने काँग्रेसला अल्टिमेटन दिल्याची माहिती समोर येत आहे. या जागांवर समाधानकारक तोडगा मिळाला नाही तर आघाडी तोडू असा इशारा देखील ठाकरे शिवसेनेने काँग्रेसला दिला आहे. शरद पवार राष्ट्रवादी पक्षाच्या नेत्याने देखील काँग्रेस नेते सतेज पाटील हम करे सो कायदा अशा भूमिकेत असल्याने त्यांनी सन्मानपूर्वक जागा द्याव्या अन्यथा आघाडी तोडू असा निर्वाणीचा इशारा पत्रकार बैठकीत दिला आहे. त्यामुळे कोल्हापुरात महाविकास आघाडीत बिघाडी निर्माण झाली आहे.