बीड: जिल्ह्यातील सहा नगरपरिषद निवडणुकीसाठी आज मतदान, परळीमध्ये मुंडे, बीडमध्ये क्षीरसागर यांची प्रतिष्ठा पणाला...! ANC- बीड जिल्ह्यातील सहा नगरपरिषद निवडणुकीसाठी आज मतदान प्रक्रिया पार पडत आहे. बीड माजलगाव परळी गेवराई धारूर आणि अंबाजोगाई या नगर परिषदेसाठी निवडणूक मतदान होत आहे. तब्बल आठ वर्षानंतर होत असलेल्या या नगरपरिषद निवडणुकीसाठी अनेक मातब्बर नेत्यांची प्रतिष्ठा पणाला लागली आहे. परळी मध्ये मंत्री पंकजा मुंडे यांनी धनंजय मुंडे हे पहिल्यांदाच एकत्रित लढत आहेत. त्यांना परळी मधून राष्ट्रवादी शरद पवार गटाचे आव्हान आहे. तर बीडमध्ये क्षीरसागर विरुद्ध क्षीरसागर या चुलत भावंडांमध्ये थेट लढत होत आहे. माजलगाव मध्ये आमदार प्रकाश सोळंके तर गेवराई मध्ये आमदार विजयसिंह पंडित यांची प्रतिष्ठा पणाला लागली आहे. अंबाजोगाई मध्ये मात्र राष्ट्रवादीचे दोन्ही गटांनी स्थानिक आघाडी करून एकत्रित लढणं पसंत केला आहे. त्यांच्या विरोधात भाजपने देखील स्थानिक आघाडी करून शड्डू ठोकला आहे. धारूर मध्ये मात्र भाजप विरुद्ध अजित पवारांची राष्ट्रवादी अशी समतोल लढत आहे.