એંકર: નદીઓ તળાવ અને ભૂગર્ભના પાણી પ્રદૂષિત થઈ રહ્યા છે. ત્યારે એમ એસ યુનિવર્સિટીના પ્રોફેસરે કોઈ પણ પ્રકારના કેમિકલ વગર પાણી શુધ્ધ કરવાનું મશીન બનાવ્યું છે. કેવીટેશન આધારિત પાણી શુધ્ધિકરણ પ્લાન્ટની ભારત અને બ્રિટનમાં પેટન્ટ રજીસ્ટર કરાવી છે. વીઓ 01: ફેકટરીઓ દ્વારા નદીમાં દૂષિત પાણી છોડીને તેને પ્રદૂષિત કરવામાં આવે છે. આ એક ગંભીર સમસ્યા છે. આ દૂષિત પાણીને સ્વચ્છ બનાવવાનું અત્યાર સુધીનું મોટાભાગનું કામ કેમિકલ નાખીને અથવા મોંઘા મશીનોથી થતું હતું. જે ખર્ચાળ અને લાંબો સમય લેતું હતું. હવે વડોદરાની એમ એસ યુનિવર્સિટીના મિકેનિકલ એન્જિનિયરિંગ વિભાગના આસી પ્રોફેસર ડૉ.મેહુલ બાંભણિયાએ એક નવી ટેક્નોલોજી વિકસાવી છે. જે ફક્ત પાણીને ઝડપી અને ઓછી કિંમતમાં જ નહીં, પણ કેમિકલ વગર શુદ્ધ કરી શકે છે. આ ટેક્નોલોજીનું નામ છે કેવિટેશન આધારિત પાણી શુદ્ધિકરણ પદ્ધતિ. આ ટેક્નોલોજી થકી લાખો ઇન્ડસ્ટ્રીઝમાંથી નદી-તળાવોમાં છોડવામાં આવતું દૂષિત પાણીની સમસ્યાનું નિરાકરણ આવવાની સંભાવના છે. આ ટેક્નોલોજીને પેટન્ટને બ્રિટન અને ભારતે મંજૂરી આપી દીધી છે. આ ટેક્નોલોજી માત્ર ગુજરાતમાં વડોદરામાં જ છે જેનાથી ભવિષ્યમાં અનેક લાભો થશે. બાઈટ 1: પ્રો મેહુલ બાંભણિયા- પેટન્ટ રજીસ્ટર કરનાર પ્રોફેસર વીઓ 02 આ પદ્ધતિમાં પાણી પર ખાસ દબાણ બનાવી તેમાં સૂક્ષ્મ હવાના બબલ્સ તૈયાર થાય છે. આ નાના બબલ્સ ફાટતા તેમાં ઊર્જા ઉત્પન્ન થાય છે. જે પાણીમાં રહેલા જંતુઓ, બેક્ટેરિયા, દુર્ગંધ અને હાનિકારક તત્વોને નષ્ટ કરે છે. આ ટેક્નોલોજીએ નગરપાલિકાના ગટરનું પાણી, નદીનું પ્રદૂષિત પાણી અને ફાર્માસ્યુટિકલ ઉદ્યોગનું વેસ્ટ વોટર બધું સફળતાપૂર્વક શુદ્ધ કર્યું છે. ટેસ્ટમાં હાનિકારક બેક્ટેરિયા 80 ટકાથી વધુ ઘટ્યા, BOD અને CODમાં 70 ટકા સુધી ઘટાડો થયો અને પાણીમાં ઓક્સિજનનું પ્રમાણ વધતું નજરે પડ્યું છે.આ સિસ્ટમની ખાસિયત એ છે કે તેને નાની-મોટી સાઇઝમાં તૈયાર કરી શકાય છે. એટલે કે એક ફ્લેટ, સોસાયટી, હોટેલ કે ઉદ્યોગ– બધા પોતાનું ગંદુ પાણી ત્યાં જ શુદ્ધ કરી ફરીથી બગીચા, ટોયલેટ ફ્લશિંગ અથવા ઉદ્યોગના કામમાં વાપરી શકે છે. આથી પાણીની મોટી બચત થાય છે. આ શોધને રાષ્ટ્રીય અને આંતરરાષ્ટ્રીય સ્તરે માન્યતા મળી છે. પાણી બચાવવું એ આજના યુગની સૌથી મોટી જરૂરિયાત છે અને આ ટેક્નોલોજી એ દિશામાં એક મોટું પગલું છે... બાઈટ 02: પ્રો મેહુલ બાંભણિયા- પેટન્ટ રજીસ્ટર કરનાર પ્રોફેસર વીઓ 03: વર્તમાન વેસ્ટ વોટર ટ્રીટમેન્ટ માટેની ટેકનોલોજી ખૂબ જ ખર્ચાળ છે અને ખૂબ જ મોટા પ્રમાણમાં ઇન્વેસ્ટમેન્ટની જરૂર પડતી હોય છે. કેવિટેશન આધારિત સંશોધનો ખૂબ જ મર્યાદિત છે કારણ કે એની જે કેવિટેશન રીએક્ટરની ડિઝાઇન છે એ ખૂબ જ જટિલ છે. આ સંશોધન માટે એમ એસ યુનિવર્સિટીમાં કામ થયું છે અને આગામી સમયમાં આ પધ્ધતિ મોટા પ્રમાણમાં સમાજ અને દેશને ઉપયોગી બનશે અને પાણીનો રિયુઝ કરી શકાશે. કેમેરામેન મુકુંદ દવે સાથે રવિ અગ્રવાલ ઝી મીડિયા, વડોદરા