એન્કર :ઉધના પોલીસ દ્વારા ઝડપી પાડવામાં આવેલ રૂપિયા 1550 કરોડના આંતરરાષ્ટ્રીય સાયબર ફ્રોડ કેસમાં વધુ તેર આરોપીઓની ધરપકડ કરી છે.જેમાં રત્ન કલાકારો, ટેકસટાઇલ ઉદ્યોગ સાથે સંકળાયેલા વેપારી,ફેશન ડિઝાઇનર સહિત બોગસ સિક્કા અને બેનર સહિત દુકાનનું સેટઅપ ગોઠવી આપનાર આરોપીઓ શામેલ છે.જેમાં મુખ્ય આરોપી કીરાટ જાદવાણી ના પિતા વિનુ જાદવાણી નો પણ સમાવેશ થાય છે.જ્યાં આરોપીઓને પ્રતિ એકાઉન્ટ દીઠ 60 હજારથી લઈ 2 લાખ રૂપિયા સુધીનું કમિશન સાયબર ફ્રોડ ટોળકી તરફથી આપવામાં આવતું હતું.ઉધના પોલીસે આ કેસમાં હમણાં સુધી કુલ 25 આરોપીઓની ધરપકડ કરી ચૂકી છે.જેમાં ચાર આરોપીઓ વિરુદ્ધ સુરતમાં કોર્ટમાં 1.50 લાખ પાનાની ચાર્જશીટ ફાઇલ કરવામાં આવી છે. વી ઓ 1 :રૂપિયા 1550 કરોડના આંતરાષ્ટ્રીય સાયબર ફ્રોડ કેસમાં સુરતની ઉધના પોલીસે વધુ તેર આરોપીઓની ધરપકડ કરી છે.આંતરરાષ્ટ્રીય સાયબર ફ્રોડ કેસને લઈ બનાવવામાં આવેલી સ્પેશિયલ ઇન્વેસ્ટિગેશન ટીમ દ્વારા એકબાદ એક કેસની કડીઓ સુધી પહોંચવામાં અથાગ મહેનત કરવામાં આવી હતી.જ્યાં બેંક અધિકારીથી લઈ બેંક ખાતેદારો ની હમણાં સુધી ધરપકડ કરવામાં આવી છે. ઉધના પોલીસના જણાવ્યા અનુસાર,22 મે 2025 ના રોજ વાહન ચેકિંગ દરમિયાન સુરતની ઉધના પોલીસને મહત્વના પુરાવા મળી આવ્યા હતા.ઉધના પોલીસે તપાસ દરમ્યાન ચાર આરોપીઓની ધરપકડ કરી હતી.જેમાં કિરાત જાદવાણી,દિવ્યેશ ચકરાણી સહિત ચાર આરોપીઓ જેમની પાસેથી 165 જેટલા કરંટ બેન્ક એકાઉન્ટ મળી આવ્યા હતા.જેની અંદર 1550 કરોડ રૂપિયાના ટ્રાન્જેક્શન મળી આવ્યા હતા. આરોપીઓ સાથે આરબીએલ બેંકના આઠ કર્મચારીઓની સંડોવણી બહાર આવી હતી અને ત્યારબાદ તેમની પણ ધરપકડ કરાઈ હતી.જ્યાં 88 દિવસની લાંબી તપાસ બાદ પોલીસે આ ચાર્જશીટ ફાઇલ કરી હતી. ચાર્જશીટ ફાઇલ કર્યા બાદ ઉધના પોલીસે આ કેસમાં હજી હજી કેટલા આરોપીઓ શામેલ છે તેની પણ તપાસ શરૂ કરી હતી.જ્યાં તપાસ દરમ્યાન પોલીસે વધુ તેર આરોપીઓની પણ ધરપકડ કરી છે.જેમાં મુખ્ય આરોપી કિરાટ જાદવાણી ના પિતા વિનુ જાદવાણી પણ શામેલ છે.ઉધના પોલીસે સાયબર ફ્રોડ આચરતી ગેંગને કરંટ બેંક એકાઉન્ટ પૂરા પાડનાર આરોપીઓ હાર્દિક હરેશ મિયાણી,દર્શન અશ્વિન સવાણી,દીપક રણજીત રાજપૂત,પરેશ વલ્લભ નાવડીયા,મયૂર લશ્કરભાઇ સાસણી,રજની રમેશ કુંભાણી,આયુષ રાજુભાઈ ચૌધરી,વિપુલ નાગજીભાઈ ઇટાલિયા,સંદીપ બેલડીયા,સુમિત કેવડિયા,સૌરભ કયાડા, હાર્દિક કુંભાણી ની ધરપકડ કરવામાં આવી છે.જે આરોપીનો સાથે સાથે અન્ય બે આરોપીઓ કલ્પ નરેશ દેવાણી અને વિનુ જાદવાણી ની પણ ધરપકડ કરાઈ છે.ઉધના પોલીસ દ્વારા ઝડપી.પાડવામાં આવેલ રૂપિયા 1550 કરોડના આંતરાષ્ટ્રીય સાયબર ફ્રોડ રેકેટમાં હાલ ધરપકડ કરાયેલા આરોપીઓમાં મુખ્ય આરોપી કિરાત જાદવાણી ના પિતા વિનુ જાદવાણી નો પણ સમાવેશ થાય છે.વિનુ જાદવાણી ના કહેવા પર આરોપી કલ્પ દેવાની દ્વારા અલગ અલગ લોકો પાસેથી બેન્ક એકાઉન્ટ ભાડે લઈ મુખ્ય આરોપીઓને પુરા પાડવામાં મદદરૂપ બનતો હતો.જે બેંક એકાઉન્ટ પૂરા પાડવામાં તે કમિશન મેળવતો હતો.ઉધના પોલીસની પકડમાં આવેલા કિરાત જાદવાણી ના પિતા વિનુ જાદવાણી કરંત બેંક એકાઉન્ટ ખોલાવવા ખોટા સિક્કા, ફર્મ નું બેનર સહિત દુકાનનું સેટઅપ કરી આપતો હતો.જ્યાં અલગ અલગ બેન્ક એકાઉન્ટ દીઠ ખાતેદારો ની રૂપિયા 50 હજારથી લઈ 2 લાખ સુધીનું વન ટાઇમ કમિશન આપવામાં આવતું હતું. બાઈટ :અનુપમસિંહ ગેહલોત (સુરત સીપી ) વી ઓ 2 આંતરરાષ્ટ્રીય સાયબર ફ્રોડ કેસમાં ધરપકડ કરવામાં આવેલ આરોપીઓમાં રત્ન કલાકારો,ટેક્સટાઇલ્સ ના ધંધા સાથે સંકળાયેલા વેપારી,ફેશન ડિઝાઇનર ,બિલ્ડિંગ સુપરવાઈઝર સહિતના આરોપીઓની સંડોવણી સામે આવી છે.જે આરોપીઓ કમિશન ની લાલચે પોતાના બેંક એકાઉન્ટ સાયબર ફ્રોડ આચરતી ટોળકી ને પૂરા પાડતા હતા. જોકે બેંક એકાઉન્ટ પુરા પાડવામાં અન્ય એજન્ટોની પણ ભૂમિકા હોવાની શંકા પોલીસે વ્યક્ત કરી છે.જ્યાં 1550 કરોડના આંતરરાષ્ટ્રીય સાયબર ફ્રોડ કેસમાં આરોપીઓનો આંકડો વધે તેવી શક્યતા રહેલી છે.