सूरत के डेलाड तालाब मामले में भ्रष्टाचार के आरोप, सिर्फ एक बार पानी भरा

સુરત જિલ્લામાં વિકાસના નામે ફરીવાર ભ્રષ્ટાચારના આક્ષેપો સામે આવ્યા છે. ઓલપાડ ના દેલાડ ગામે SUDA દ્વારા 5.17 કરોડના ખર્ચે બનાવાયેલા તળાવમાં હલકી કક્ષાનું કામ થયાના ગંભીર આક્ષેપો ઉઠ્યા છે. લોકાર્પણના માત્ર પાંચ મહીના બાદ જ તળાવની હાલત બગડતા ગ્રામજનોએ તડકેશ્વર ટાંકી ના દાખલારૂપ કાર્યવાહી કરવાની માંગ ઉઠાવી છે. દેલાડ ગામે ગામની શોભા વધે અને ગ્રામજનોને હરવા-ફરવા સુવિધા મળે તે માટે 5.17 કરોડના ખર્ચે તળાવનું નિર્માણ કરવામાં આવ્યું હતું. પાંચ મહિના પહેલા તેનું લોકાર્પણ પણ કરવામાં આવ્યું હતું. પરંતુ તળાવ બનાવવા એજન્સી અને કોન્ટ્રાક્ટરની બેદરકારીને કારણે કામ હલકી કક્ષાનું થયાના આક્ષેપો ઉઠયા છે. વોકવે પર પાથરાયેલા બ્લોક્સ ઠેર ઠેર બેસી ગયા છે. તળાવની પાળાનું પ્લાસ્ટર હાથ લગાવતા જ ઉખડી રહ્યું છે. અને ચોંકાવનારી વાત એ છે કે તળાવમાં માત્ર એક જ વાર પાણી ભરાયું હોવાનું સામે આવ્યું છે. દેલાડ ગ્રામ પંચાયતના સભ્ય દ્વારા SVNIT સુરત પાસે તપાસ રિપોર્ટ કરાવવામાં આવ્યો હતો, જેમાં હલકી કક્ષાનું મટીરીયલ વાપરાયું હોવાના મુદ્દાઓ સામે આવ્યા છે.ગ્રામજનોએ લાગતા વરગતા અધિકારીઓ અને કોન્ટ્રાક્ટર સામે કડક કાર્યવાહી કરવાની માંગ ઉઠાવી છે. તેમજ તડકેશ્વર ટાંકી તૂટી પડવાની ઘટના જેવી જ કડક પગલાં લેવાની માંગણી કરવામાં આવી છે.