ગુજરાતના નાયબ મુખ્યમંત્રી અને મજુરા વિધાનસભાના ધારાસભ્ય હર્ષ સંઘવીએ આજે સુરતમાં અનોખી રીતે કાર્યકર્તાઓ સાથે મુલાકાતકરી. તેઓએ મજુરા વિધાનસભા વિસ્તારમાં એક ચાની દુકાન પર રોડ બહાર સામાન્ય વ્યક્તિની જેમ બેસીને કાર્યકર્તાઓ સાથે 'ચાય પે ચર્ચા' કરી. જેના કારણે સ્થાનિકો અને કાર્યકર્તાઓમાં ખુશીની ભાવના જોવા મળી. વીઓ:1 નાયબ મુખ્યમંત્રી હર્ષ સંઘવીએ ચાની ચુસ્કી લેતા લેતા કાર્યકર્તાઓના હાલ-ચાલ પૂછ્યા હતા. તેમણે પાર્ટી અને જનતાની સેવાની કામગીરીમાં જોડાયેલા કાર્યકર્તાઓનો આભાર માન્યો હતો. આ તકે કાર્યકર્તાઓએ પણ ઉમળકાભેર તેમની સાથે વાતચીત કરી હતી. વીઓ:2 સંઘવીએ કાર્યકર્તાઓ, જેઓ હાલમાં BLO (બૂથ LEVEL ઓફિસર) સાથે ઊભા રહીને કામ કરી રહ્યા છે, તેમની સાથે વિશેષ વાતચીત કરી હતી. તેમણે તમામ વોર્ડમાં ચાલી રહેલી BLOની કામગીરી વિશે વિગતવાર માહિતી મેળવી હતી અને જરૂરી માર્ગદર્શન પૂરું પાડ્યું હતું. આ ઉપરાંત, તેમણે કાર્યકર્તાઓને સ્પષ્ટ સૂચન કર્યું હતું કે, "વોર્ડમાં કોઈ પણ સમસ્યા હોય, તો જરૂરીથી જણાવજો," તેથી તાત્કાલિક તેનો નિરાકરણ લાવી શકાય. વીઓ:3 નાયબ મુખ્યમંત્રી હર્ષ સંઘવીએ કોઈ પણ પ્રકારના પ્રોટોકોલ વગર સામાન્ય વ્યક્તિની જેમ ચાની દુકાન પર બેસીને કાર્યકર્તાઓ અને સ્થાનિકો સાથે સંવાદ સાધ્યો હતો. નેતા અને કાર્યકર્તા વચ્ચેના આ સરળ અને સીધા સંવાદથી સ્થાનિક લોકોમાં સંતોષની અને ખુશીની લાગણી જોવા મળી હતી. આ પહેલથી કાર્યકર્તાઓનો ઉત્સાહ પણ વધ્યો છે. પ્રશાંત ઢીવરે -સુરત