રાજકોટ રાજકોટમાં ફરી એકવાર અંધશ્રદ્ધાનો કાળો ચેહરો સામે આવ્યો છે.થોરાળા પોલીસ સ્ટેશન વિસ્તારમાં બકરાઓની બલી ચડાવવાના મામલે જીવ રક્ષા ફાઉન્ડેશન દ્વારા પોલીસમાં ફરિયાદ નોંધાવાઈ છે.સમગ્ર મુદ્દે એ.સી.પી બી.વી. જાધવે જણાવ્યું કે ગઈકાલે રાત્રીના સમયે વિસ્તારમાં પશુ બલીની ઘટના સામે આવી હતી, જેના પગલે પશુપ્રેમી કેતનભાઈની અરજીએ તપાસ શરૂ કરવામાં આવી છે.પ્રાથમિક પૂછપરછમાં જાણવા મળ્યું છે કે ચૌહાણ પરિવારના એક સભ્યએ માનતા માની બલી ચડાવ્યાની બાબત સામે આવી છે.હાલ પોલીસ દ્વારા એક આરોપીની ધરપકડ કરવામાં આવી છે જ્યારે અન્ય બે આરોપીની પૂછપરછ કરવામાં આવી રહી છે પોલીસ દ્વારા વધુ તપાસ હાથ ધરાઈ છે.