પાટણના રાજકારણમાં અત્યારે ગરમાવો જોવા મળી રહ્યો છે. વીર મેઘમાયા સાતમની ઉજવણીના પ્રસંગે પાટણ પહોંચેલા વડગામના ધારાસભ્ય જીગ્નેશ મેવાણીએ એક વિવાદાસ્પદ અને આક્રમક નિવેદન આપીને સ્થાનીક રાજકારણમાં ખળભળાટ મચાવી દીધો છે. પાટણના ધારાસભ્ય કિરીટ પટેલ પર આડકતરી રીતે નિશાન સાધતા मેવाणીએ ખુલ્લેઆમ પડકાર ફેંક્યો છે. વીર મેઘમાયા સાતમ નિમિત્તે પાટણના હાઈવે માર્ગ પરથી એક વિશાળ રેલી યોજવામાં આવી હતી. જેમાં જીગ્નેશ મેવાણી અને હિતેન્દ્ર પીઠડીયા સહિતના અનુસૂચિત જાતિના આગેવાનો મોટી સંખ્યામાં જોડાયા હતા. રેલી બગવાડા દરવાજા પહોંચી ત્યાં બાબાસાહેબ આંબેડકારની પ્રતિમાને પુષ્પાંજલિ અર્પિત કરવામાં આવી હતી. પરંતુ આ ઉજવણી વચ્ચે ચર્ચાનો વિષય બન્યું જીગ્નેશ મેવાણીનું વિવાદસ્પદ નિવેદન સામે આવવા પામ્યું હતું તાજેતરમાં અનુસૂचित જાતિના મહિલા પ્રમુખ જયા બેને શાહ દ્વારા એક વીડિયો વાયરલ કરવામાં આવ્યો હતો. જેમાં પાટણના ધારાસભ્ય કિરીટ પટેલે હિતેન્દ્ર પીઠડીયાને મારવાના આક્ષેપ કર્યા હતા. આ મુદ્દે મૌન તોડતા મેવાણીએ જણાવ્યું હતું કે જે પણ માણસને મનમાં ફાંકો હોય કે હિતેન્દ્ર પીઠડીયાને પાટણની ધરતી પર મારીશું, તે ફાંકો કાઢી નાખે. અમે ગુજરાતની સરકારને ઉંચી-નીચી કરનારા માણસો છીએ, તારા જેવા ચણાનું ફુદું એ નહીં આવે! આ વિવાદના પ્રસંગે પાટણ કોગ્રેસનું રાજકારણ ગરમાયું હતું.