0303ZK_NVS_COLD_STORAGE એપ્રુવડ બાય : એસાઇનમેન્ટ / MARKETING સ્લગ : NVS COLD STORAGE NOTE : FOR SAVJIBHAI MARKETING નોંધ : વિઝ્યુઅલ અને બાઈટ FTP માં 03 માર્ચના ફોલ્ડરમાં આજના 03 માર્ચના ફોલ્ડરમાં અપલોડ કર્યા છે...anchors : ખેડૂતોની ઉપજ બગડે નહીં અને ખેતી પાકો સાથે સંકળાયેલા વેપારીઓ પણ આર્થિક નુકશાનીમાં ન જાય એવા હેતુથી ગુજરાત સરકારના બાગાયત વિભાગ દ્વારા બાગાયત અને નિકાસ પ્રોત્સાહન યોજના હેઠળ ગુજરાતમાં તાલુકા કક્ષાએ કોલ્ડ સ્ટોરેજ બનાવવાની શરૂઆત કરી હતી. જેમાં નવસારી તાલુકાના તરસાડી ગામે મુકેશભાઈ વિરડાએ 1000 મેટ્રિક ટનની ક્ષમતાનું કોલ્ડ સ્ટોરેજ બનાવવાનો વિચાર કર્યો અને તેમણે નવસારી બાગાયત વિભાગના સંપર્ક કરી, પોતાનો પ્રોજેક્ટ રજૂ કર્યો હતો. બાગાયત વિભાગ દ્વારા કોલ્ડ સ્ટોરેજ બનાવવા માટે મુકેશભાઈને બાગાયત અને નિકાસ પ્રોત્સાહન યોજના અંતર્ગત 50 ટકાની કેપિટલ સહાય આપી હતી. જેના થકી વર્ષ 2017 માં મુકેશભાઈએ અંદાજે 90 લાખ રૂપિયાના કોલ્ડ સ્ટોરેજ પ્રોજેક્ટ પર 50% લેખે 42 લાખ રૂપિયાની સરકારમાંથી કેપિટલ સહાય મેળવી અને એમોનિયા ગેસ આધારિત મેન્યુઅલ કોલ્ડ સ્ટોરેજની શરૂઆત કરી હતી. કોલ્ડ સ્ટોરેજ બનાવવાનો સમયથી જ બજારમાં તેમને મુશ્કેલી ન પડે, એવી હેતુથી સરકારે વીજળી બિલમાં દર વર્ષે કુલ 2 લાખ રૂપિયાની સહાય પણ આપી. તેથી દર મહિને ભરવાના થતા લાઈટ બીલમાં તેમને રાહત મળી. ધીરે ધીારે તેમનો કોલ્ડ સ્ટોરેજનો વ્યવસાય વિકસ્યો, સાથે જ આસપાસના બાગાયતી પાકો લેતા ખેડૂતોને પોતાનો પાક લાંબા સમય સુધી ટકી રહે એ માટેની વ્યવસ્થા મળી. દરમિયાન ઓઈ સીઝનમાં મુકેશભાઈ અનાજ તેમજ શાકભાજી પાકોને પણ કોલ્ડ સ્ટોરેજમાં રાખતા રહ્યા, તેવી લીધે મેન્ટેનન્સ નિભાવવાની મુશ્કેલી ન રહી અને તેમને વર્ષ દરમિયાનની આવક પણ મળી રહેતી રહી. પાંચ વર્ષ સુધી લાઈટ બીલમાં દર વર્ષે બે લાખ રૂપિયાની સરકારી સહાય મળી. ત્યારબાદ મુકેશભાઈએ સોલર પેનલ મુકવા માટે ફરી સરકાર પાસે આર્થિક મદદ માટે હાથ લંબાવ્યો અને તેમને સોલર પેનલ માટે પણ 9 લાખ રૂપિયાની આર્થિક સહાય મળી. જેના થકી હાલ તેમના દર મહિને આવતા લાઇટ બીલમાં 70 % જેટલો ઘટાડો થયો છે. સરકાર દ્વારા અલગ અલગ સમયે ઉદ્યોગોને ટકાવી રાખવા માટે મળેલી સહાયથી મુકેશભાઈ આજે તેમના કોલ્ડ સ્ટોરેજ યુનિટમાં એક મેનેજર, 2 ઓપરેટર અને મજૂરોને પ્રત્યક્ષ અને પરોક્ષ રીતે રોજગારી આપી રહ્યા છે. કોલ્ડ સ્ટોરેજ થકી વર્ષે અંદાજે 20 લાખથી વધુનું ટર્નઓવર મુકેશભાઈ કરતા થયા છે. ત્યારે હિમગંગા કોલ્ડ સ્ટોરેજના મેનેજરે સરકારની ઉધોગોને આર્થિક સહાયની નીતિની સરાહના કરી, આગળ પણ સરકાર તેમને આ જ રીતે મદદરૂપ થતી રહે અને ગુજરાતના યુવાનો પોતાનો વ્યવસાય શરૂ કરી આત્મનિર્ભર બને એ માટે સરકાર અવનવી યોજનાઓ થકી મદદરૂપ થતી રહે એવી આશા વ્યક્ત કરી હતી. બાઈટ : રાહુલ રાઠોડ, મેનેજર, હિમગંગા કોલ્ડ સ્ટોરેજ, તરસાડી, નવસારી