ભાવનગર શહેર કોંગ્રેસ સરકારી આવાસ દુર્ઘટના મામલે મેદાને ઉતરી. અહીં આનંદનગરમાં જર્જરીત આવાસ તૂટવાના મામલે કોંગ્રેસ મેદાને આવી છે. કોંગ્રેસ શહેર પ્રમુખ મનહરસિંહ ગોહિલ અને પૂર્વ વિપક્ષ નેતા ભરતભાઈ બુધેલીયા કાર્યકરો સાથે ઘટના સ્થળે પહોંચ્યા હતા, ત્યારે સ્થાનિક લોકો દ્વારા ઘટનાઓને લઈને પ્રશંના રજૂઆત કરવામાં આવી હતી. સામાન્ય વર્ગના લોકો રહેતા હોવા, રહેણાંકના પ્રશ્નો હોવા અને સરકારી નોટિસ છતાં જીવના જોખમે જર્જરીત આવાસોમાં વસવાટ કરવાની સ્થિતિ દેખાઈ હતી. જર્જરિત આવાસ તૂટવાના મામલે કોંગ્રેસે તંત્રની ઘોર બેદરકારી ગણાવી શાસકોને આડેહાથ લીધા હતા અને જણાવ્યું કે હજારો આવાસો જર્જરીત બન્યા છે. તેને રીડેવલપ કરવું જોઈએ પણ સરકાર લોકોના મૃત્યુની કિંમત નથી. અગાઉ પણ ઘણા વખત આવા બનાવો બન્યા છે. આ તમામ બાબતોમાં સરકારી તંત્રની જવાબદારી હોવા છતાં કોઈ કાર્યવાહી ન કરવામાં આવે તો આગામી દિવસોમાં કોંગ્રેસ પક્ષ ચુપ નહીં બેસે અને આંદોલન કરશે.