बार में बदमाश के सामने भी बेफिक्र युवक की मस्ती, फोन चलाते रहा

மேலும் படிக்க | ஸ்டாலினை நேரில் சந்திக்கும் முதலமைச்சர் விஜய்? என்ன காரணம் தெரியுமா? வெளியான தகவல்

முதல்வரான விஜய்!

17-வது தமிழ்நாடு சட்டப்பேரவையின் முதல் கூட்டம் இன்று சென்னை தலைமை செயலகத்தில் உள்ள சட்டப்பேரவை வளாகத்தில் கோலாகலமாக தொடங்கியது. முதலமைச்சராக பதவியேற்ற பிறகு விஜய் முதன்முறையாக இன்று சட்டமன்றத்திற்கு வருகை தந்தார். அவரை தமிழக வெற்றிக் கழகத்தின் சட்டமன்ற உறுப்பினர்கள் மற்றும் கூட்டணி கட்சித் தலைவர்கள் மிகுந்த உற்சாகத்துடன் வரவேற்றனர். இன்றைய கூட்டத்தொடரில், புதிதாக தேர்ந்தெடுக்கப்பட்ட சட்டமன்ற உறுப்பினர்கள் முறைப்படி பதவியேற்றுக் கொண்டனர். தற்காலிக சபாநாயகராக நியமிக்கப்பட்டுள்ள எம்.வி. கருப்பையா, அனைத்து சட்டமன்ற உறுப்பினர்களுக்கும் பதவி பிரமாணம் செய்து வைத்தார். முதலமைச்சர் விஜய் சட்டப்பேரவைக்குள் நுழைந்த தருணம் மற்றும் அவர் எம்.எல்.ஏ-வாகப் பதவியேற்ற நிகழ்வு ஆகியவை தமிழக அரசியல் களத்தில் ஒரு வரலாற்று சிறப்புமிக்க நிகழ்வாக பார்க்கப்படுகிறது. 

மு.க. ஸ்டாலின் மற்றும் வைகோவுடன் சந்திப்பு

சட்டமன்ற நிகழ்வுகள் ஒருபுறம் இருக்க, மறுபுறம் விஜய் முன்னெடுத்துள்ள அரசியல் நாகரிகம் பல தரப்பிலும் பாராட்டுகளை பெற்று வருகிறது. இன்று மதியம், முன்னாள் முதலமைச்சரும், திமுக தலைவருமான மு.க. ஸ்டாலினை நேரில் சந்தித்து வாழ்த்து பெற விஜய் திட்டமிட்டுள்ளதாக தகவல்கள் வெளியாகியுள்ளன. நடந்து முடிந்த தேர்தலில் ஆளுங்கட்சியாக இருந்த திமுகவை வீழ்த்தியே விஜய் ஆட்சியை பிடித்துள்ளார். மேலும், மு.க. ஸ்டாலின் தனது சொந்த தொகுதியான கொளத்தூரில் அதிர்ச்சி தோல்வியை சந்தித்தார். இத்தகைய அதீத அரசியல் போட்டிக்கு மத்தியிலும், வெற்றி பெற்ற பிறகு முன்னாள் முதலமைச்சரை நேரில் சென்று சந்திப்பது என்பது தமிழக அரசியலில் இதுவரை காணாத ஒரு புதிய அரசியல் நாகரிகத்தின் தொடக்கமாக பார்க்கப்படுகிறது. 

அதேபோல, திராவிட அரசியலின் மூத்த தலைவர்களில் ஒருவரும், மதிமுக பொதுச்செயலாளருமான வைகோவையும் இன்று விஜய் சந்திக்க உள்ளார். மூத்த தலைவர்களுக்கு உரிய மரியாதை அளித்து, அவர்களின் ஆலோசனைகளைக் கேட்கும் விஜய்யின் இந்த அணுகுமுறை, அவர் அனைத்துத் தரப்பினரையும் அரவணைத்துச் செல்ல விரும்புகிறார் என்பதையே காட்டுகிறது.

மேலும் படிக்க | முதல்வர் விஜய்க்கு Z+ Security.. என்னென்ன சிறப்பம்சங்கள்? கிட்ட நெருங்கவே முடியாது

முக்கியத்துவம் வாய்ந்த டெல்லி பயணம்

தமிழ்நாட்டில் தனது அரசியல் நகர்வுகளை மிக கவனமாக மேற்கொண்டு வரும் முதலமைச்சர் விஜய், தேசிய அளவிலும் தனது ராஜதந்திரத்தை வெளிப்படுத்தத் தயாராகிவிட்டார். முதலமைச்சராக பொறுப்பேற்ற பிறகு, தனது முதல் அதிகாரப்பூர்வ பயணமாக இந்த வாரம் அவர் டெல்லி செல்ல திட்டமிட்டுள்ளார். இந்த டெல்லி பயணம் அரசியல் ரீதியாகவும், நிர்வாக ரீதியாகவும் பல முக்கியத்துவங்களைக் கொண்டுள்ளது. டெல்லியில், பிரதமர் நரேந்திர மோடியை முதலமைச்சர் விஜய் நேரில் சந்தித்துப் பேசவுள்ளார். இந்த சந்திப்பின்போது, தமிழ்நாட்டின் வளர்ச்சி திட்டங்கள், மத்திய அரசிடம் நிலுவையில் உள்ள ஜிஎஸ்டி நிலுவை தொகைகள், பேரிடர் நிவாரண நிதிகள் மற்றும் மாநில உரிமைகள் குறித்த முக்கிய கோரிக்கைகளை அவர் பிரதமரிடம் முன்வைப்பார் என எதிர்பார்க்கப்படுகிறது. முன்னதாக அவர் ஆற்றிய முதலமைச்சர் உரையில், முந்தைய அரசு கஜானாவை காலி செய்துவிட்டு சென்றுள்ளது என குறிப்பிட்டிருந்தார். எனவே, மாநிலத்தின் நிதிநிலையை சீர்செய்ய மத்திய அரசின் உதவியை கோருவது இந்தச் சந்திப்பின் முக்கிய நோக்கமாக இருக்கும்.

பிரதமரைத் தொடர்ந்து, மத்திய உள்துறை அமைச்சர் அமித் ஷா மற்றும் மத்திய நிதி அமைச்சர் நிர்மலா சீதாராமன் ஆகியோரையும் விஜய் சந்திக்கவுள்ளார். தமிழ்நாட்டின் உள்கட்டமைப்பு மேம்பாடு, உள்நாட்டுப் பாதுகாப்பு மற்றும் புதிய தொழில் முதலீடுகளை ஈர்ப்பதற்கான மத்திய அரசின் ஒத்துழைப்பு குறித்து இந்தச் சந்திப்புகளில் விவாதிக்கப்படலாம்.

சோனியா காந்தியுடன் சந்திப்பு: கூட்டணியின் பலம்

மத்திய பாஜக அமைச்சர்களுடனான சந்திப்பை முடித்த பிறகு, காங்கிரஸ் கட்சியின் மூத்த தலைவரான சோனியா காந்தியையும் விஜய் சந்திக்கத் திட்டமிட்டுள்ளார். நடப்பு சட்டமன்றத் தேர்தலில் தவெக 108 இடங்களை மட்டுமே பெற்றுத் தனிப்பெரும்பான்மையை இழந்த நிலையில், காங்கிரஸ் உள்ளிட்ட கூட்டணிக் கட்சிகளின் நிபந்தனையற்ற ஆதரவால்தான் விஜய் முதலமைச்சராகப் பதவியேற்றுள்ளார். எனவே, தனக்கு ஆதரவளித்த காங்கிரஸ் கட்சியின் தேசியத் தலைமைக்கு நேரில் நன்றி தெரிவிக்கும் விதமாக சோனியா காந்தியை அவர் சந்திக்கிறார். மேலும், கூட்டணிக் கட்சிகளுக்குத் தமிழக அமைச்சரவையில் இடமளிப்பது குறித்தும், எதிர்காலத் தேர்தல் வியூகங்கள் குறித்தும் இந்தச் சந்திப்பில் விரிவாக ஆலோசிக்கப்படும் என டெல்லி அரசியல் வட்டாரங்கள் தெரிவிக்கின்றன.

மேலும் படிக்க | காதலை சொல்லாமல் சொன்ன த்ரிஷா! விஜய் பதவியேற்பு விழா சம்பவம்..இதை பார்த்தீங்களா?