జగిత్యాల జిల్లాలో బాలుడి కిడ్నప్ యత్నం

జగిత్యాలలో గుర్తు తెలియని వ్యక్తి బాలుడిని అపహరించేందుకు యత్నించగా స్థానికులు పట్టుకుని పోలీసులకు అప్పగించారు. పట్టణంలో హజారీ కాలనిలో ఓ ఐదేళ్ల బాలుడు అడుకుంటుండగా చెత్త ను ఎరుకుకునే ఓ గుర్తు తెలియని వ్యక్తి సంచితో వచ్చి అపహరించేందుకు యత్నించాడు. బాలుడి తండ్రి గుర్తించి అతన్ని పట్టుకుని పోలీసులకు అప్పగించారు. అదుపులోకి తీసుకున్న పోలీసులు విచారిస్తున్నారు.

హుజూరాబాద్ ఎమ్మెల్యే పాడి కౌశిక్ రెడ్డిపై క్రిమినల్ కేసు నమోదైంది. మంగళవారం జిల్లా కౌన్సిల్‌ సమావేశంలో ఎమ్మెల్యే తీరుపై ఫిర్యాదు చేశారు. డీఈవోపై చర్యలు తీసుకోవాలని కౌశిక్ రెడ్డి డిమాండ్ చేశారు. సమావేశానికి హాజరైన కలెక్టర్ పమేలా సత్పతి సమావేశం నుంచి వెలువడే ఉత్తర్వులపై స్టే విధించారు. అంతే కాకుండా సభ రసవత్తరంగా సాగింది. ఈ సందర్భంగా ప్రజాప్రతినిధుల మధ్య వాగ్వాదం కూడా జరిగింది. దీంతో సమావేశంలో గందరగోళం నెలకొంది.

కరీంనగర్ జిల్లాలో ఇండియా ప్రపంచ కప్ టి20 గెలవడంతో యువతి యువకులు సంబరాలు చేసుకున్నారు. జిల్లా కేంద్రంలోని రహదారుల వెంబడి యువకులు బైక్ రైడ్ చేస్తూ జాతీయ జెండాలతో ర్యాలీలు నిర్వహించారు తెలంగాణ చౌక్ వద్ద టపాసులు కాల్చి స్వీట్లు పంపిణీ చేశారు. 17 సంవత్సరాల తర్వాత రోహిత్ సేన కప్పు గెలవడంపై యువత హర్షం వ్యక్తం చేశారు.

జగిత్యాల జిల్లా కోరుట్లలో ఆస్తి తగాదాల కారణంగా ఆదివారం రాత్రి గంగరాజు కుటుంబంలో అన్నదమ్ముల మధ్య గొడవ జరిగింది. ఘర్షణ సమయంలో కత్తితో దాడి చేయడంతో ఓ వ్యక్తి తీవ్రంగా గాయపడ్డాడు. వెంటనే అతడిని ఆస్పత్రికి తరలించినా ప్రాణాలను కాపాడలేకపోయారు. ఈ ఘటనపై పోలీసులు కేసు నమోదు చేసి దర్యాప్తు కొనసాగిస్తున్నారు.