ਅਬੋਹਰ ਦੇ ਵਿੱਚ ਹੁਣ ਸੀਸੀਟਵੀ ਕੈਮਰੇ ਲਾ ਦਿੱਤੇ ਗਏ ਨੇ । ਅਬੋਹਰ ਸ਼ਹਿਰ ਪੰਜਾਬ ਰਾਜਸਥਾਨ ਬਾਰਡਰ ਨੂੰ ਜੋੜਦਾ ਹੈ । ਇਸ ਕਰਕੇ ਨਸ਼ਾ ਤਸਕਰੀ ਮਾਮਲੇ ਤੇ ਜਿੱਥੇ ਪੁਲਿਸ ਵੱਲੋਂ ਲਗਾਤਾਰ ਦਿਨ ਰਾਤ ਨਾਕਾਬੰਦੀ ਕਰਕੇ ਚੈਕਿੰਗ ਕੀਤੀ ਜਾ ਰਹੀ ਹੈ । ਉੱਥੇ ਹੀ ਹੁਣ ਇਹ ਕੈਮਰੇ ਪੁਲਿਸ ਦੇ ਲਈ ਸਹਾਈ ਹੋਣਗੇ। ਕਿਉਂਕਿ ਹਰ ਐਂਗਲ ਤੋਂ ਕੈਮਰਾ ਲਾਇਆ ਗਿਆ ਹੈ । ਤੇ ਚੱਪੇ ਚੱਪੇ ਤੇ ਨਜ਼ਰ ਰੱਖੀ ਜਾ ਰਹੀ ਹੈ। ਅਬੋਹਰ ਨਗਰ ਥਾਣਾ ਇੱਕ ਦੇ ਐਸਐਚਓ ਪਰਮਜੀਤ ਕੁਮਾਰ ਦਾ ਕਹਿਣਾ ਹੈ ਕਿ ਨਾਕਾਬੰਦੀ ਦੇ ਨਾਲ ਨਾਲ ਤੀਜੀ ਅੱਖ ਨਾਲ ਪੰਜਾਬ ਰਾਜਸਥਾਨ ਬਾਰਡਰ ਤੇ ਨਜ਼ਰ ਰਹੇਗੀ । ਨਾਲ ਹੀ ਨਸ਼ਾ ਤਸਕਰੀ ਤੇ ਗੈਰ ਕਾਨੂੰਨੀ ਗਤੀਵਿਧੀ ਨੂੰ ਰੋਕਣ ਚ ਇਹ ਕੈਮਰੇ ਸਹਾਈ ਹੋਣਗੇ । ਕਿਉਂਕਿ ਹੁਣ ਤੱਕ ਇਹਨਾਂ ਕੈਮਰਿਆਂ ਦੀ ਮਦਦ ਦੇ ਨਾਲ ਉਹਨਾਂ ਨੇ ਕਈ ਆਰੋਪੀ ਫੜੇ ਨੇ ۔