वाशिम में चार नगरपरिषदों के लिए आज मतदान, किसके पक्ष में बदलेगी तस्वीर?

वाशिम जिल्ह्यातील रिसोड,कारंजा, मंगरुळपीर या तीन नगरपरिषद व मालेगाव नगरपंचायतीसाठी आज मतदान प्रक्रिया होत आहे.या चारही स्थानिक स्वराज संस्थांसाठीची सर्व तयारी जिल्हा प्रशासनाने पूर्ण केली असून यंत्रणा सज्ज आहे.सकाळी 7.30 वाजता मतदानाला सुरुवात झाली आहे.४ नगराध्यक्ष पदासाठी २७ उमेदवार आणि ९० नगरसेव पदासाठी तब्बल ३७४ उमेदवार निवडणूक रिंगणात उभे आहेत.एकूण १७८ मतदान केंद्रांवर ही निवडणूक प्रक्रिया पार पडणार असून यासाठी ९६१ कर्मचारी नियुक्त करण्यात आले असून ९२८ पोलिसांचा बंदोबस्त तैनात करण्यात आला आहे.३ नगरपरिषद आणि एक नगर पंचायत मिळून एकूण १ लाख ४८ हजार ५८१मतदार असून यामध्ये ७५ हजार १६ पुरुष, ७३ हजार ५६१ महिला आणि ४ इतर मतदारांचा समावेश आहे.उमेदवारांचे भविष्य आज EVM मध्ये बंद होणार आहे.उद्याच्या मतमोजणीतून नेमकं कोण बाजी मारणार याकडे सर्वांचे लक्ष लागले आहे.याचाच मतदान केंद्रावरून आढावा घेतला आहे आमचे प्रतिनिधी गणेश मोहळे यांनी