खरीप में चिया की खेती से महिला किसान ने बना दिया नया रिकॉर्ड

एक महिला शेतकऱ्याने खरीप हंगामात नव्या पिकाचा यशस्वी प्रयोग करून सर्वांचे लक्ष वेधून घेतले आहे. चियाची लागवड साधारणतः रब्बी हंगामात केली जाते, मात्र उकळी पेन येथील सरला देवराव अंभोरे यांनी खरीप हंगामात चिया पिकाची लागवड करून नवा आदर्श निर्माण केला आहे. आत्मा प्रकल्पाच्या मार्गदर्शनाखाली सन २०२४-२५ मध्ये अर्ध्या एकरावर प्रायोगिक लागवड करण्यात आली होती. उत्कृष्ट प्रतिसाद मिळाल्याने सरला अंभोरे यांनी यावर्षी तीन एकरांवर चिया पिकाची व्यावसायिक लागवड केली आहे. सध्या पीक चांगल्या वाढीच्या अवस्थेत असून, एकरी चार ते पाच क्विंटल उत्पादनाची अपेक्षा आहे. चिया हे प्रथिने, ओमेगा-३ फॅट ऍसिड आणि फायबरयुक्त आरोग्यदायी तेलबिय पीक आहे. साधारणपणे रब्बी हंगामात घेतले जाणारे हे पीक अंभोरे यांनी खरीप हंगामात नैसर्गिक पावसाच्या पाण्यावर घेतले असून, कमी खर्चात अधिक उत्पादनाचा अनुभव त्यांनी मिळवला आहे. अंभोरे यांचा हा यशस्वी प्रयोग जिल्ह्यातील इतर शेतकऱ्यांसाठी प्रेरणादायी ठरत असून, कृषी विभागानेही त्यांच्या या उपक्रमाचे कौतुक केले आहे. भविष्यात वाशीम जिल्ह्यात चिया लागवडीचा व्याप वाढण्याची शक्यता व्यक्त केली जात आहे. बाईट: सरला देवराव अंभोरे, महिला शेतकरी