केडीएमसी अस्पताल के ICU बंद: मनसे का ऑक्सीजन मास्क पहनकर प्रदर्शन

केडीएमसी रुग्णालयातील आयसीयुबंद मनसेचे ऑक्सिजन मास्क लावून आंदोलन.. ऑक्सिजन सिलेंडर आणि मास्क घेऊन केडीएमसी मुख्यालयात मांडला ठिय्या.. कल्याण डोंबिवली महानगरपालिकेच्या रुक्मिणीबाई रुग्णालया मधील आय.सी.यू गेल्या दोन ते तीन वर्षांपासून बंद आहे. आयसीयु बंद असल्याने रुग्णांना ठाणे, मुंबई येथे घेऊन जावे लागत असल्याने, येथील रुग्णालयात पोहोचेपर्यंत रुग्णाचा जीव जाण्याची शक्यता नाकारता येत नाही. यासाठी केडीएमसी प्रशासनाचा निषेध नोंदविण्यासाठी आणि प्रशासनाला जाब विचारण्यासाठी महाराष्ट्र नवनिर्माण सेनेचे विभाग अध्यक्ष कपिल पवार यांनी ऑक्सिजन सिलेंडर आणि ऑक्सिजन मास्क आणून केडीएमसी मुख्यालयात ठिय्या मांडला. लवकर आयसीयू सुरु न केल्यास मोठे जनआंदोलन छेडण्याचा इशारा देण्यात आला. कल्याण पश्चिम विभागात असलेल्या सरकारी बाई रुक्मिणीबाई रुग्णालयात गरजू नागरिक उपचारासाठी येतात परंतु अपूर्ण सुविधांमुळे नागरिकांना मुंबई व इतर ठिकाणी उपचार घेण्यासाठी पाठवले जाते. गेल्या दोन वर्षांपासून रुक्मिणीबाई रुग्णालयातील सुसज्ज आयसीयू असून देखील सुरु करण्यात आले नाही. ते लवकरात लवकर चालू करण्याबाबत पत्र देण्यात आले आहे. परंतु आरोग्य विभाग अधिकारी यांना कल्याण मधील नागरिकांचे काही पडले नाही. दोन महिन्यांपूर्वी डोंबिवली मधील आयसीयू नसल्यामुळे सर्पदंश मुळे दोन जणांचा मृत्यू झाला होता. त्यातून महापालिकाेने काहीही बोध घेतला नाही. काल देखील आयसीयु उपलब्ध नसल्यामुळे एक महिलेला दोन तासानंतर दुसऱ्या रुग्णालया मध्ये जाण्यास सांगितले. वाहतूक कोंडीमुळे वेळेत मुंबई येथील रुग्णालया मध्ये न पोहचल्यास एखाद्याचा जीव जाऊ शकतो. याकरिता लवकरात लवकर बाई रुक्मिणीबाई रुग्णालयामधील सुसज्ज आयसीयु चालू करावा या मागणीसाठी मनसेच्या वतीने ऑक्सिजन सिलेंडर आणि मास्क लावून ठिय्या आंदोलन करण्यात आले. लवकरात लवकर आयसीयू सुरु न केल्यास मोठे जनआंदोलन करण्याचा इशारा यावेळी देण्यात आला. Byte.. कपिल पवार विभाग अध्यक्ष मनसे