मेढा नगरपंचायत चुनाव में शिवसेना की जीत की पूरी संभावना

सातारा - मेढा नगरपंचायत निवडणुकीसाठी शिवसेनेच्या वतीने नगराध्यक्ष आणि नगरसेवक पदासाठी उमेदवार उभे करण्यात आले असून आज पालकमंत्री शंभूराज देसाई यांनी मेढा येथे उमेदवारांच्या उपस्थितीत रॅली काढून सर्व उमेदवारांची बैठक घेतली. या बैठकीत सर्व उमेदवारांना प्रचाराबाबत सूचना केल्या आहेत. मेढा नगरपंचायतीमध्ये शिवसेनेचे पालकमंत्री शंभूराज देसाई आणि जिल्हाप्रमुख अंकुश कदम विरुद्ध भाजपचे मंत्री शिवेंद्रराजे या दोघांची प्रतिष्ठा पणाला लागली आहे. यावेळी मंत्री शंभूराज देसाई यांनी मेढा नगरपंचायतीचे सर्व उमेदवार निवडून येतील असा विश्वास व्यक्त केला आहे. पालकमंत्री शंभूराज देसाई यांचे शिवेंद्रराजेंना प्रत्युत्तर मेढा नगरपंचायतीची निवडणूक ही धनशक्ती विरुद्ध जनशक्ती अशी असून मेढावासीय जनशक्तीच्या बाजूने आहेत. त्यामुळे या निवडणुकीत मेढ्याच्या नगराध्यक्ष हा शिवसेनेचा निवडून येईल, असा विश्वास शिवसेना नेते तथा पालकमंत्री शंभूराज देसाई यांनी व्यक्त केला आहे. मेढा नगरपंचायतीच्या उमेदवारांच्या प्रचारावेळी ते माध्यमांशी बोलत होते. जिल्ह्याचा पालकमंत्री म्हणून मेढा शहराच्या विकासाची जबाबदारी एकनाथ शिंदे यांनी माझ्याकडे दिली आहे. त्यामुळे पालकमंत्री म्हणून पूर्ण ताकदीने या निवडणुकीत दिलेला शब्द पूर्ण करु, असा विश्वास त्यांनी व्यक्त केला. दरम्यान, राज्यात महायुतीमध्ये असताना नगरपालिका निवडणुकीमध्ये स्वतंत्र लढण्यावर विचारले असताना शंभूराज देसाई म्हणाले. ज्या ठिकाणी युती होणार नाही, त्या ठिकाणी मैत्रीपूर्ण लढण्याचा निर्णय आम्ही घेतला होता आणि त्या पद्धतीने आम्ही पुढे जात आहोत. शिवेंद्रराजे त्यांचा पक्ष वाढवण्यासाठी प्रयत्न करत आहेत मी माझा शिवसेना पक्ष वाढण्यासाठी प्रयत्न करत असून शिवेंद्रराजेंनी केलेल्या वक्तव्याला प्रत्युत्तर देत मेढ्यामधील निर्णय मी घेतला आहे. पाटणमध्ये तुम्ही जो निर्णय घ्याल, त्या निर्णयाचा स्वागत करेन, असा टोला मंत्री शंभूराज देसाई यांनी शिवेंद्रराजेंना लगावला आहे. मात्र hey आमच्या पॅनलमधील उमेदवारांना कोणी बघून घेईल म्हणत असेल तर आम्हालाही बघता येत, असा इशारा शंभूराज देसाई यांनी विरोधकांना दिला आहे.