शिरूर में सामाजिक तत्व ने 1300 डाळिंब के पेड़ तोड़े, किसानों को नुकसान

शिरूर/पुणे अज्ञात व्यक्तीने तोडून टाकली डाळिंबाची १३०० झाडे, शेतकऱ्याचे लाखो रुपयांचे नुकसान शिरूर तालुक्यातील जांबुत - शरदवाडी येथे अज्ञात समाजकंटकाकडून सुमारे तीन एकर शेतातील डाळिंबाची सुमारे १ हजार ३०০ झाडे तोडून नासधूस करण्यात आल्याचा धक्कादायक प्रकार घडलाय. याबाबत शेतकऱ्यानी शिरूर पोलिसांत तक्रार दिली असून परिसरातील शेतकऱ्यानी संताप व्यक्त केला आहे. अशा प्रकारे नुकसान करणाऱ्या समाजकंटकावर पोलिसांनी कडक कारवाई करण्याची मागणी शेतकऱ्यानं केलीय. जांबुत शरदवाडी परिसरातील शेतकरी शहाजी निवृत्ती थोरात व दिलीप निवृत्ती थोरात यांनी आपले शेतात दीड वर्षांपूर्वी भगवा जातीच्या तेराशे डाळिंब रोपांची सुमारे तीन एकर क्षेत्रावर लागवड केली होती. लाखो रुपयांचे भांडवल लावून सदर डाळिंब पीक वाढविले होते. मात्र शुक्रवारी मध्यरात्रीच्या सुमारास अज्ञात समाजकंटाकाकडून सर्वच १३०० झाडे तोडून टाकण्यात आली असुन यामध्ये शेतकरी थोरात यांचे लाखो रुपयांचे नुकसान झाले आहे.