In Lonavala, rift within Mahayuti as BJP-NCP clash unfolds

Headline: लोणावळ्यात महायुतीत बिघाडी भाजप-राष्ट्रवादी आमनेसामने Anchor: लोणावळा नगरपरिषदेच्या रणांगणात महायुतीतच मतभेद उफळले आहेत. राष्ट्रवादी काँग्रेस आणि भाजप यांच्यात युती होणार नसल्याचं स्पष्ट वक्तव्य भाजपाच्या माजी नगराध्यक्षा सुरेखा जाधव यांनी केलं आहे. एकीकडे मुंबईत मुख्यमंत्री देवेंद्र फडणवीस यांच्या अध्यक्षतेखाली मावळ मध्ये स्थानिक स्वराज्य संस्थांच्या निवडणुकीत युती करण्यावर शिक्कामोर्तब केला जातो. तर दुसरीकडे या युतीला लोणावळ्यात भाजपच्या पदाधिकारी कडून विरोध केला जात आहे. भाजपच्या माजी नगराध्यक्षा सुरेखा जाधव यांनी राष्ट्रवादी काँग्रेस पक्ष स्वतंत्रपणे निवडणूक लढवणार असून, स्थानिक पातळीवर कोणतीही युती न करण्याचा निर्णय पक्षाने घेतला आहे. एकीकडे राष्ट्रवादीचे आमदार सुनील शेळके महायुतीचा धर्म पाळण्याची भूमिका मांडत असताना, दुसरीकडे भाजपच्या माजी नगराध्यक्षा जाधव यांनीच त्यांचा दावा फेटाळत महायुतीतील ताण उघड केला आहे. एकीकडे माजी राज्यमंत्री बाळा भेगडे आणि आमदार सुनील शेळके यांनी एकत्रित येत तळेगाव दाभाडे नगरपरिषदेासाठी महायुतीची घोषणा केली. तर दुसरीकडे मात्र लोणावळा नगरपरिषदेच्या निवडणुकीत स्थानिक भाजपने युती न करण्याचा निर्णय पत्रकार परिषदेत जाहीर केला. लोणावळ्यातील निवडणुकीच्या पार्श्वभूमीवर या वक्तव्यामुळे राजकीय वातावरण चांगलेच तापले असून भाजप आणि राष्ट्रवादी यांच्यात कलगीतुरा रंगण्याची चिन्हं दिसू लागली आहेत.