परभणी में महायुती के अंदर घमासान, राजेश विटेकर के समर्थकों और विरोधी तेज

अँकर- गल्ली पासून तर दिल्ली पर्यंत महायुतीमध्ये बिनसत असूनस घटन नगर परिषद निवडणुकीच्या निमित्ताने समोर येतायेत. अजित पवारांचे विश्वासू असलेले परभणीच्या पाथरी मतदार संघाचे आमदार राजेश विटेकर यांचा जिल्ह्यात वाढता प्रभाव रोखण्यासाठी परभणी जिल्ह्यातील इतर सर्व पक्ष त्यांच्या विरोधात उभे ठाकले असून महायुतीमधील नेते सुद्धा त्यांच्या विरोधात दंड थोपटतायेत. महायुतीमधील लोकच माझं खच्चीकरण करण्याचा प्रयत्न करीत आहेत अस म्हणत आमदार राजेश विटेकर यांनी नाराजी व्यक्त केली. तर राजेश विटेकरांना युती फक्त त्यांच्या मतदारांसंघातच हवी असते, तुमच्या सोयीनुसारच युती कशी होणार असा प्रतिसवाल आरोग्य राज्यमंत्री मेघना बोर्डीकर केलाय. यामुळे परभणी जिल्ह्यातील महायुतीमधील अंतर्गत मतभेद चव्हाट्यावर आले आहेत... व्हीओ- परभणी लोकसभेच्या बदल्यात राजेश विटेकर यांना अजित पवार यांनी अवघ्या दोन महिन्यात विधान परिषदेवर आमदार केले होते,त्या राजेश विटेकर यांचं जिल्ह्यातील वाढत प्रस्थ बघता त्यांना सर्व नेते घेरण्याचा प्रयत्न करीत आहेत. परभणी जिल्ह्यात राष्ट्रवादी काँग्रेसचे स्थानिक स्वराज्य संस्थांमध्ये कायम वर्चस्व राहिल आहे. पक्षफुटी नंतर Beaucoup नेते हळूहळू अजित पवारांच्या सोबत गेले आहेत,त्यामुळे पुन्हा अजित पवारांच्या राष्ट्रवादीचा बोलबाला होऊ नये म्हणून विरोधका बरोबरच महायुती मधील नेते ही राजेश विटेकर यांना घेरण्याचा प्रयत्न करीत आहेत. विटेकर आमदार असलेल्या पाथरी मतदारसंघात सोनपेठ मानवत आणि पाथरी ह्या तीन नगर परिषदेच्या निवडणुका लागल्या आहेत. यापैकी सोनपेठ हे विटेकरांचं गाव असून सोनपेठ मध्येच राजेश विटेकरांना घेरण्यासाठी काँग्रेस आणि भाजपसह सर्वपक्ष एकत्र आले आहेत. सोनपेठमध्ये सर्व पक्ष एकत्र आले,त्यांनी सोनपेठ शहर परिवर्तन विकास आघाडीच्या माध्यमातून राष्ट्रवादीचे माजी नगराध्यक्ष चंद्रकांत राठोड यांचा पराभव करण्यासाठी परमेश्वर कदम यांना नगराध्यक्ष पदासाठी उभे करीत मागील 25 वर्षात विकास झालाच नसल्याचे सांगून घेरण्याचा प्रयत्न केलाय. बाईट- रंगनाथ सोळंके- सोनपेठ शहर परिवर्तन विकास आघाडी, नेते व्हीओ- राष्ट्रवादी अजित पवार गट राजेश विटेकरांच्या नेतृत्वात 7 पैकी 5 नगर परिषदेत निवडणूक लढवीत आहेत, त्यापैकी पाथरी, मानवत आणि सोनपेठ ह्या तीन नगर पालिका त्यांच्या पाथरी मतदार संघात आहेत, पाथरीमध्ये राष्ट्रवादीच्या उमेदवारांच्या विरोधात काँग्रेसचे बाबाजानी यांनी तर ताकत लावलीच आहे,पण शिवसेना शिंदे गटाचे जिल्हाप्रमुख सईद खान यांना ही नगर परिषद काही करून जिंकायची आहे, मानवत येथील नगर परिषद अजित पवार गटाकडे होती, तिथे भाजप आणि शिवसेनेने त्यांच्या विरोधात उमेदवार दिला असून भाजपचे माजी आमदार सुरेश वरपूडकर आणि पालकमंत्री बोर्डीकर यांनी तेथे संपूर्ण ताकत लावली आहे, जिंतूर मतदार संघात बोर्डीकर विरुद्ध भांबळे अर्थात राष्ट्रवादी विरुद्ध भाजप अशी कायम लढत असतेच ती यावेळी सुद्धा होत आहे, पण सोनपेठ मध्ये काँग्रेस शिवसेना भाजप यासह इतर सगळे पक्ष राजेश विटेकरांच्या विरोधात उभे ठाकले आहेत. युती करण्याची माझी भूमिका होती,पण महायुतीमध्ये समन्वय साधला गेला नाही,महायुतीमधील लोकच आपलं खच्चीकरण करण्याचा प्रयत्न करीत असल्याची सल राजेश विटेकर यांनी माध्यमांसमोर येऊन बोलून दाखवली. पण युती तुमच्या सोयीनुसार कशी होईल असा प्रतिसवाल आरोग्य राज्यमंत्री मेघना बोर्डीकर यांनी उपस्थित केलाय... बाईट- राजेश विटेकर- आमदार,राष्ट्रवादी-अजित पवार गट बाईट- मेघना बोर्डीकर-आरोग्य राज्यमंत्री व्हीओ- या सोनपेठ शहर परिवर्तन विकास आघाडीला महायुतीमधीलच लोक बळ देत आहेत, आमदार विटेकर यांना गावातच घेऊन इतर नगर परिषदेत धूळ चारण्याचे मनसुबे महायुतीनेच आखल्याचे या घटना क्रमावरून लक्षात येतेय. पण याच घडामोडीवरून निवडणुकीच्या निमित्ताने का होईना महायुतीमधील अंतर्गत वाद चव्हाट्यावर आलाय... गजानन देशमुख, झि मीडिया परभणी