धाराशिव जिला मध्यवर्ती बैंक के संचालक मंडळ बरखаст, प्रशासक नियुक्त

धाराशिव जिल्हा मध्यवर्ती बँकेचं संचालक मंडळ बरखास्त — सहकार क्षेत्रात खळबळ! वारंवार सूचना करूनही बँकेची आर्थिक स्थिती सुधारली नाही... आणि अखेर राज्य मंत्रिमंडळाने धाराशिव जिल्हा मध्यवर्ती सहकारी बँकेच्या संचालक मंडळाला बरखास्त करण्याचा निर्णय घेतला आहे. आता बँकेचा कारभार प्रशासकाच्या ताब्यात देण्यात आला आहे. धाराशिव जिल्हा मध्यवर्ती बँक दीर्घकाळापासून आर्थिक संकटात सापडली होती. वारंवार सहकार विभागाकडून सूचना देऊनही बँकेची आर्थिक घडी बसली नाही. यामुळे राज्य मंत्रिमंडळानं संचालक मंडळ बरखास्त करण्याचा निर्णय घेत प्रशासकाची नेमणूक केली आहे. बँकेवर 29 कोटी रुपयांच्या रोखे घोटाळ्याचा आरोप असून, आर्थिक दिवाळखोरीतून संस्था बाहेर काढण्यात संचालक मंडळ अपयशी ठरल्याचा ठपका ठेवण्यात आला आहे. 2007 मध्ये तत्काळीन सहकार मंत्र्यांनी या बरखास्त प्रस्तावावर स्थगिती दिली होती, मात्र आता ती स्थगिती उठवून मंत्रिमंडळानं थेट कारवाई केली आहे. धाराशिव जिल्हा मध्यवर्ती बँकेवर सध्या भाजप, शिवसेना आणि राष्ट्रवादी या तिन्ही पक्षांच्या महायुतीचं वर्चस्व होतं.