नांदेड में शहर से बाहर वसतिगृह के विरोध में छात्र किताब पढ़कर प्रदर्शन

नांदेड शहरातील शासकीय वसतिगृह शहराच्या बाहेर हलवण्यात आल्याच्या निषेधार्थ विद्यार्थ्यांनी जिल्हाधिकाऱ्यांच्या कक्षाबाहेर अनोख्या पद्धतीने आंदोलन केले. विद्यार्थ्यांनी हातात पुस्तकं घेऊन शांतपणे वाचन करत प्रशासनाचे लक्ष वेधण्याचा प्रयत्न केला. समाजकल्याण विभागाच्या वतीने नांदेड शहरात मागासवर्गीय विद्यार्थ्यांसाठी शासकीय वसतिगृह सुरू होते. मात्र अलीकडेच हे वसतिगृह शहरापासून सुमारे 20 किलोमीटर अंतरावर हलवण्यात आले आहे. त्यामुळे शहरात शिक्षण घेणाऱ्या विद्यार्थ्यांसमोर ये-जा करण्याचा मोठा प्रश्न उभा राहिला आहे. दररोज 20 किलोमीटर प्रवास करून महाविद्यालयात जाणे शक्य नाही. वाहतुकीचा खर्च व वेळ दोन्ही वाढले आहे. त्यामुळे निषेध नोंदवण्यासाठी विद्यार्थ्यांनी जिल्हाधिकारी कार्यालयात शांततापूर्ण ‘पुस्तक वाचन’ आंदोलन सुरू केले. वसतिगृह पुन्हा शहरातील स्थलांतरित करण्याची मागणी विद्यार्थ्यांनी केली.