रेणापूर नगराध्यक्ष चुनाव का आज फैसला, जिला न्यायालय में सुनवाई जारी

रेणापूर नगराध्यक्ष निवडणुकीचा आज फैसला...आक्षेपानंतर प्रकरण कोर्टात...लातूर जिल्हा न्यायालयात होणार आज निर्णय...रेणापूर येथील नगरपंचायत निवडणुक प्रचाराच्या धुरळा उडाला असताना दुसरीकडे नगराध्यक्ष आणि एका नगरसेवक जागेची निवडणुक होणार की स्थगिती कायम राहणार याचा फैसला आज लातूर जिल्हा न्यायालयात होणार आहे. नोंदविण्यात आलेल्या आक्षेपावर २५ नोव्हेंबर रोजीच सुनावणी झाली आहे. २८ नोव्हेंबर रोजीही फैसला न झाल्याने रेणापूरकरांची उत्सुकता आणि उमेदवरांची धाधूक वाढली आहे. रेणापूर नगरपंचायतच्या नगराध्यक्षपदासाठी भाजपाकडून शोभा शामराव अकनगिरे व प्रभाग क्रमांक १ मधून नगरसेवक पदासाठी भाजपाकडून अभिषेक शामराव अकनगिरे यांनी उमेदवारी अर्ज दाखल केले होते. या दोन्ही उमेदवारांच्या कुटुंबियांनी नगरपंचायतीच्या हद्दीतील शासकीय जमिनीवर अतिक्रमण करुन घराचे बांधकाम केले असा आरोप करीत त्यांचे उमेदवारी अर्ज अवैध ठरविण्यात यावेत अशी लेखी तक्रार अर्ज छाननीच्या दरम्यान हरिश्चंद्र नामदेव साबदे यांनी निवडणूक निर्णय अधिकारी प्रशांत थोरात यांच्याकडे केली होती. दोन्ही बाजूंनी वकिलांमार्फत युक्तीवाद झाला. मात्र, साबदे यांनी सक्षम व वैध पुरावा दाखल केला नसल्याने शोभा अकनगिरे व अभिषेक अकनगिरे यांचा उमेदवारी अर्ज वैध ठेऊन साबदे यांचा आक्षेप फेटाळण्यात आला होता.हे प्रकरण इथेच मिटले असे नाही. तर साबदे हे निवडणूक निर्णय अधिकारी यांच्या निर्णयाविरोधात जिल्हा न्यायालयात गेले. याप्रकरणी २५ नोव्हेंबर रोजीच सुनावणी झाल्यानंतर निर्णय दिला जाणार होता. मात्र, वेळेअभावी निर्णय झाला नाही. अब याकडे जिल्ह्याचे लक्ष लागले आहे.