ED की छापेमारी जारी: अक्कलकुवा के जमया शिक्षण संस्थे पर कार्रवाई

नंदुरबार जिल्ह्यातील अक्कलकुवा येथील जामीया शिक्षण संस्था ईडीची कारवाई सलग दुसऱ्या दिवशी देखील सुरू आहे. जामीया शिक्षण संस्थेवर दोन दिवसापासून ईडीने कारवाई करत छाप टाकल्याचे प्राथमिक वृत्त मिळाले आहे. या संस्थेला मिळणाऱया विदेशी पैसे आणि येथील रुग्णलयाबाबत भाजपा नेते किरीट सोमय्या यांनी तक्रार केली होती त्यानंतर छापा टाकला आहे. १२० अधिकाऱ्यांच्या सहा पथकांकडून कारवाई केली जात आहे. अक्कलकुव्याच्या चार ठिकाणी ही कारवाई सुरू असल्याची माहिती आहे. जमियामध्ये यमन येथील विदेशी नागरीकाच्या कुटुंुबाचे अवैध वास्तव्यामुळे ही संस्था चर्चेत आली होती. या प्रकरणी गुन्हा देखील दाखल असून पोलिस त्याचा तपास करत होतं मात्र ईडीने एन्ट्री घेतल्यामुळे चर्चेला उधाण आला आहे. ईडीच्या अधिकाऱ्यांकडून अनेक शैक्षणिक शाखांची तपासणी केली जात आहे. अशातच किरीट सोमय्या यांनी राज्याचे मुख्यमंत्री आणि ईडी कार्यालयात कागदपत्रांच्या पुरावा दिल्यानंतर ईडी कडून जामिया शिक्षण संस्थेची झाडझडती घेतली जात आहे. ईडी करत असलेल्या चौकशीबाबत कमालीची गुप्तता ठेवली जात आहे. त्यामुळे या कारवाईमध्ये नेमकं काय समोर येत आहे आणि अजून किती दिवस हे कारवाई सुरू राहू शकते याबाबत कुठलीही माहिती समोर आलेली नाही.