नंदुरबार के कोपर्ली में बैंक शाखा दो घंटे बंद, चाबी घर पर भूलنے से हंगामा वायरल

नंदुरबार तालुक्यातील कोपर्ली गावातील सेंट्रल बँक ऑफ इंडिया शाखेचे व्यवस्थापक बँकेची चावी घरी विसरून गेल्याने आज सकाळी तब्बल दोन तासांपर्यंत बँक बंद राहिली. यामुळे कामासाठी आलेल्या ग्राहकांना बँकेच्या बाहेरच ताटकळत बसून राहावे लागले. या प्रकाराचा व्हिडिओ काही जागरूक नागरिकांनी काढून सोशल मीडियावर पोस्ट केला असून तो सध्या चांगलाच व्हायरल होत आहे. ग्रामीण भागात आर्थिक सुविधांची कमतरता असल्याने कोपर्ली गावात एकच राष्ट्रीयीकृत बँक असल्याने शेतकरी, महिला, वृद्ध नागरिक आणि विविध शासकीय योजनांचे लाभार्थी दररोज मोठ्या संख्येने या शाखेत येत असतात. मात्र, व्यवस्थापकाच्या हलगर्जीपणामुळे आज ग्राहकांना अनावश्यक प्रतीक्षा करावी लागली. स्थानिक नागरिकांनी सांगितले की, ग्रामीण भागात आधीच बँकांची संख्या कमी असून, असे प्रकार वारंवार घडल्यास सामान्य जनतेच्या कामकाजावर मोठा परिणाम होऊ शकतो. या प्रकरणाबाबत ग्राहकांनी संबंधित बँक प्रशासनाने याची गंभीर दखल घेऊन योग्य कारवाई करण्याची मागणी केली आहे.