बीड़ जेल में धर्म परिवर्तन के दबाव पर कैदियों के वकील के दावे हलचल

बीडच्या जिल्हा कारागृहात कैद्यांना धर्म परिवर्तन करण्यासाठी दबाव आणला जातो. बंदिवान कैद्यांच्या वकिलांचा खळबळजनक दावा. बातमी आहे बीडमधून. बीडच्या जिल्हा कारागृहात कैद्यांना धर्म परिवर्तन करण्यासाठी दबाव आणला जातो. त्याासाठी त्यांचा मानसिक आणि शारीरिक छळ केला जात असल्याचा गंभीर आरोप बंदिवान कैद्यांचे वकील राहुल आघाव यांनी केलाय. बीड जिल्हा कारागृहातील चार कैदी वकील राहुल आघाव यांच्याकडे पक्षकार म्हणून आहेत.. आणि याच कैद्याच्या लेखी तक्रारीवरून अडवोकेट राहुल आघाव यांनी पत्रकार परिषद घेत जिल्हा कारागृह अधीक्षक पेट्रस गायकवाड यांच्यावर गंभीर आरोप केले आहेत. तीन हिंदू आणि एक मुस्लिम पक्षकारावर कारागृह अधीक्षक पेट्रस गायकवाड धर्म परिवर्तनासाठी दबाव आणतात. धर्म परिवर्तन करत नसल्यास त्यांचा मानसिक व शारीरिक छळ केला जातो. त्यामुळे जिल्हा काराग्रहात सध्या दहशतीचे वातावरण असल्याचा गंभीर आरोप आघाव यांनी यावेळी केला. दरम्यान या प्रकरणी उच्च न्यायालयात कारागृह अधीक्षक पेट्रस गायकवाड यांच्या विरोधात याचिका दाखल करणार असल्याचंही ऍडव्होकेट आघाव यांनी म्हटलं आहे. दरम्यान आमदार गोपीचंद पडळकर यांनी देखील मुख्यमंत्री देवेंद्र फडणवीस यांच्याकडे बीडचे कारागृह अधीक्षक पेट्रस गायकवाड यांची तक्रार केली. पेट्रस गायकवाड यांनी धर्मांतर करण्याचं काम सुरू केल्याचाही आरोप पडळकर यांनी केला होता. आज दुसऱ्या दिवशी चक्क वकिलाने पत्रकार परिषद घेऊन धर्मांतरांचा मुद्दा छेडल्याने बीड जिल्हा कारागृह आणि कारागृह अधीक्षक पेट्रस गायकवाड पुन्हा एकदा चर्चेत आलेत. दरम्यान याप्रकरणी कारागृह अधीक्षक पेट्रस गायकवाड यांच्याशी संपर्क साधण्याचा प्रयत्न केला असता त्यांनी बोलण्यास नकार दिला.