छत्रपती संभाजीनगर में छह महीने से होटल में ठहरे नकली IAS अधिकारी गिरफ्तार

छत्रपती संभाजीनगर मध्ये सहा महिन्यांपासून पंचतारांकित हॉटेलमध्ये राहणाऱ्या तोतया आयएएस महिला अधिकारी कल्पना भागवतच्या मोबाईलमध्ये केंद्रीय गृहमंत्र्यांचा ओएसडी म्हणून मिरवणाऱ्या अभिषेक चौधरीच्या रात्री तपास यंत्रणेतील अधिकाऱ्यांनी मुसक्या आवळल्या. कल्पनाचा मित्र महंमद अशरफ खिलही रात्रीच पकडला गेला. दोघेही दिल्लीतच सापडले. अभिषेकच्या संपर्कात कल्पना होती. त्यामुळे अशा अनेक तोतया आयएएस अधिकाऱ्यांचे सिंडिकेटच असल्याचे सबळ पुरावे तपास यंत्रणांच्या हाती लागले. सोमवारपासून तपास यंत्रणांचे चार पथक दिल्ली, नोएडा, हरयाणा, राजस्थान सीमेवर त्याचा कसून शोध घेत होती. रात्री या तोतया ओएसडीला पकडण्यात तपास यंत्रणांना यश आले. संबंधित तोतया अधिकारी आणि कल्पनेचा मित्र एकमेकांच्या संपर्कात आहेत का, हा तोतयादेखील विदेशी लोकांच्या संपर्कात आहे का, यासाठी एक स्वतंत्र पथक तपास करत आहे.  सध्या शहर पोलिसांनी मात्र यावर बोलणे टाळले. ही माणसे कोण आहेत, हे अद्याप स्पष्ट झालेले नाही.