छत्रपति संभाजीनगर के छात्रवास के भोजन में पाल मिलने के मामले में ठेकेदार के खिलाफ केस दर्ज

छत्रपती संभाजीनगर शहरातील समाज कल्याण विभागाच्या विद्यार्थी वस्तीगृहातील विद्यार्थ्यांच्या जेवणात पाल आढळल्याप्रकरणी मेस कंत्राटदारावर गुन्हा दाखल करण्यात आलाय. तीन दिवसांपूर्वी समाजकल्याणच्या वसतिगृहात विद्यार्थ्यांसाठी बनवलेल्या जेवणामध्ये पाल आढळल्याने विद्यार्थ्यांना उपचारासाठी दवाखान्यात ऍडमिट करावे लागले. या प्रकरणी गृहप्रमुखाच्या तक्रारीवरून जेवण पुरवठ्याचे कंत्राट दिलेल्या व्यक्तीवर गुन्हा दाखल करण्यात आला आहे. योगीराज नागनाथअप्पा गौरश असे या कंत्राटदाराचे नाव आहे. प्रकरणी आयुक्त दीपा मुंडे यांच्या आदेशानुसार सहायक आयुक्त रवींद्र शिंदे यांनी या प्रकरणाच्या चौकशीसाठी बेगमपुरा पोलिसांना पत्र दिले होते. तक्रारीवरून मेसचा कंत्राटदार डी.एम. एंटरप्रायजेसचा नागनाथअप्पा गौरशट्टे याच्यावर बेगमपुरा ठाण्यात गुन्हा दाखल केला. संबंधित कंत्राट मुंबईस्थित डी.एम. इंटरप्रायजेस ई गव्हर्नन्स सोल्यूशन्स प्रा. लि. कंपनीकडे आहे. कंपनीचा प्रतिनिधी योगीराज गौरशेट्टेला घडलेल्या प्रकारासाठी जबाबदार धरत त्याच्यावर गुन्हा दाखल केला. बीएनएस २७५, १२५ व २३८ या कलमांतर्गत कारवाई करण्यात आली.