अकोला के वाशीम बायपास पर बस पर पथराव, नकद लूट कर के आरोपी ने बस चालक से पैसा छीना

अकोला शहरातील वाशीम बायपास परिसरात सोमवारी रात्री एक धक्कादायक घटना घडली. नाशिकहून अकोल्याकडे येणारी एसटी महामंडळाची बस सिग्नलवर थांबलेली असताना एका अज्ञात युवकाने अचानक बसच्या काचेला दगड मारत काच फोडली. दगडफेक झाल्यानंतर आरोपी युवकाने चालकासोबत वाद घातला. परिस्थिती नियंत्रणात आणण्यासाठी वाहक मध्यस्थी करण्यासाठी पुढे आला मात्र त्याच क्षणी आरोपीने वाहकाजवळील रोख रक्कम हिसकावून घेत पलायन केले. या प्रकरणी एसटी वाहकाच्या तक्रारीवरून जुनी शहर पोलीस ठाण्यात गुन्हा दाखल करण्यात आला असून पोलिसांनी अज्ञात आरोपीचा शोध सुरू केला आहे. घटनेमुळे प्रवाशांमध्ये काही काळ भीतीचे वातावरण निर्माण झाले होते.