मध्य-पूर्व युद्ध से ईंधन बाजार प्रभावित, आकोला में एलपीजी गैस की कमी शुरू

मध्य-पूर्व भागात सुरू असलेल्या युद्ध परिस्थितीचा परिणाम आता इंधन बाजारावरही दिसून येत आहे. यामुळे एलपीजी गॅसच्या पुरवठ्यावर परिणाम झाला असून अकोला शहरातील काही पेट्रोल पंपांवर एलपीजी गॅसची तात्पुरती कमतरता निर्माण झाली आहे. अकोला शहरातील एलपीजी गॅस पंप गॅस पुवठा अभावी बंद आहे. शहरातील काही एलपीजी पंपांवर व्यवस्थापनाकडून याबाबत सूचना फलक लावण्यात आले आहेत. या फलकांवर सध्याच्या परिस्थितीमुळे एलपीजी गॅसचा पुरवठा प्रभावित होत असल्याची माहिती देण्यात आली आहे. तसेच एलपीजीच्या दरांमध्येही बदल करण्यात आल्याचे नमूद करण्यात आले आहे. याशिवाय पेट्रोल पंपांवर सुरू असलेले विशेष ऑफर सध्या तात्पुरते बंद करण्यात आले आहेत. परिस्थिती सामान्य झाल्यानंतर गॅसचा पुरवठा आणि दर पुन्हा पूर्ववत केले जातील, असेही व्यवस्थापनाकडून स्पष्ट करण्यात आले आहे. दरम्यान, ग्राहकांनी या परिस्थितीची जाणीव ठेवून सहकार्य करावे, असे आवाहन पंप व्यवस्थापनाकडून करण्यात आले आहे तसेच ग्राहकांच्या संयम आणि सहकार्याबद्दल आभारही व्यक्त करण्यात आले आहेत.