अकोला में घर की आग से 70 वर्षीय किशन करडे की मौत

अकोला जिल्ह्यातील बोर्गाव मंजू पोलिस ठाण्याच्या हद्दीत येणाऱ्या अन्वी मिर्झापूर येथे सायंकाळी एका घराला लागलेल्या भीषण आगीत ७० वर्षीय किसन मारोती करडे यांचा होरपळून मृत्यू झाला. देवळाल वानखेडे यांच्या घराला अचानक आग लागली, आग वेगाने पसरताच किसन करडे यात सापडले आणि त्यांचा करुण अंत झाला. आगीचे रौद्ररूप पाहून गावकऱ्यांनी तत्काळ घटनास्थळी धाव घेऊन उपलब्ध पाण्याच्या साधनांचा वापर करून आग आटोक्यात आणली. त्यामुळे शेजारील घरे वाचली आणि मोठा अनर्थ टळला. आगीच्या वेळी घरातील कुटुंबीय मोलमजुरीसाठी बाहेर गेल्याने ते बचावले. बोरगाव मंजू पोलिसांनी पंचनामा करून मृतदेह उत्तरीय तपासणीसाठी पाठवला असून विद्युत तारांच्या घर्षणामुळे आग लागल्याचा प्राथमिक अंदाज व्यक्त करण्यात आला आहे. घटनेचा पुढील तपास बोरगाव मंजू पोलिसांकडून सुरू आहे.