संगमनेर चुनावी घमासान: शिंदे-विखे बनाम थोरात-खताळ, MIDC-नदी-पानी के मुद्दे गरम

Anc - अहिल्यानगर जिल्ह्यात गाजत असलेल्या संगमनेर नगरपालिका निवडणुकीत राजकीय घमासान चांगलंच वाढलं आहे. महायुतीच्या प्रचारासाठी आलेल्या एकनाथ शिंदेंनी सभेत दोन मंत्र्यांना फोन लावून कामे तातडीने मंजूर करण्याचे आदेश दिले, तर सुजय विखे यांनी थोरात–तांबे यांच्यावर टायगर अभी जिंदा है अशा शब्दात टीका केली.याला प्रत्युत्तर म्हणून थोरात–तांबे गटाने कॉर्नर सभा घेत शिंदे आणि विखेंवर जोरदार निशाणा साधलाय..सत्यजित तांबेंनी “टायगर एकटा चालतो , सिंह सगळ्यांना घेऊन चालतो” असा टोला लगावला, तर बाळासाहेब थोरात यांनी शिंदेंचे सभेतले फोन कॉल ऐकवत “धरण, नदी, डोंगर… सगळं मंजूर” अशी खोचक टिप्पणी केली.दोन्ही बाजूंच्या आरोप–प्रत्यारोपांमुळे संगमनेरची निवडणूक रंगात आलीय... V/O - महायुतीच्या सभेत माजी खा. सुजय विखे आणि उपमुख्यमंत्री एकनाथ शिंदे दोघांनीही आक्रमक भूमिकेतून विरोधकांवर प्रहार केला.सुजय विखेंनी टायगर–सिंह या उपमांतून थोरात–तांबे गटावर टीकास्त्रांचा मारा केला.“टायगरला रोखायला सिंह आणला पण वाघ आणि सिंहाच्या लढाईत टायगरच जिंकतो. सभेतूनच विखेंनी आपल्या 31 उमेदवारांना विकासाचं ‘फाऊंडेशन’ म्हणत पाठिंबा मागितला. तर संगमनेरच्या 40 वर्षांच्यास्थितीवरही त्यांनी थोरातांवर जहरी शब्दांत टीका केली... स्टेज भाषण सुजय विखे V/O - सभेला 10 ते 15 मिनिटाचा वेळ बाकी असताना  उपमुख्यमंत्री एकनाथ शिंदे यांनी सभेला पोहचताच माईक हातात घेत वेगळंच वळण दिलं.थेट दोन मंत्र्यांना फोन लावून संगमनेरसाठी MIDC आणि हॉस्पिटलच्या कामांची तातडीने अंमलबजावणी करण्याचे आदेश दिले.“आरे बाबा हा एकनाथ शिंदे आहे… डायरेक्ट डिसिजन! संगमनेरला MIDC पाहिजे—दोन महिन्यात नोटीफिकेशन.”शिंदेंनी काँग्रेसचे बालासाहेब थोरात यांच्यावर टीका करत 40 वर्षांच्या सत्तेला ‘घराणेशाही आणि मक्तेदारी’ची उपमा दिली.जे स्वतःचं घर सांभाळू शकत नाहीत, ते संगमनेर सांभाळतील कसे..? असा थेट सवाल त्यांनी काँग्रेस नेते बाळासाहेब थोरात यांच्यावर उपस्थित केलाय.तर काही लोक “माझं नाव वापरतात, माझ्याशी संबंध असल्याचे सांगतात” त्यांच्यावर विश्वास ठेऊ नका असं म्हणत त्यांनी  अप्रत्यक्ष इशारा दिलाय... स्टेज भाषण उपमुख्यमंत्री एकनाथ शिंदे  V/O - महायुतीच्या सभेनंतर लगेचच काँग्रेसने कॉर्नर सभा घेत महायुतीच्या नेत्यांवर जोरदार प्रत्युत्तर दिलं.“टायगर एकटा चालतो… पण सिंह सगळ्यांना घेऊन चालतो. आम्ही स्वार्थी नाही. भाषण करमणुकीसाठी नसतं—लोकांच्या हितासाठी असतं.”अपक्ष आ.सत्यजीत तांबे यांच्या शिंदेंचा आदर असल्याचं सांगत, कालच्या सभेत शिंदेंना विरोधकांवर बोलायला लावलं गेल्याचा आरोप केलाय... स्टेज भाषण अपक्ष आ. सत्यजीत तांबे  V/O - तर बाळासाहेब थोरात यांनी सभेत शिंदेंचे फोन कॉल ऐकवत त्यांची शिंदेंच्या वक्तव्याची खिल्ली उडवली.जिथे जातील तिथं MIDC मंजूर, थोडं पाणी म्हणाल तर धरण मंजूर , धरणाला नदी मंजूर, नदीला पाणी नाही तर डोंगर मंजूर. असा खोचक वार त्यांनी उपमुख्यमंत्री एकनाथ शिंदेंवर केलाय.ही निवडणूक नाही तर बनवाबनवीचा कार्यक्रम सुरू आहे.आधी नगर–मनमाड महामार्ग करा मग संगमनेर येऊन विकासाच्या गप्पा मारा अशी टीका पालकमंत्री राधाकृष्ण विखेवर केलीय.. “संगमनेरच्या विकासासाठी आम्ही सर्वांना सोबत घेण्यास तयार आहोत” असं सांगत सिंहाच्या निशाणीवर मतदान करण्याचं आवाहन केलं.थोरात यांनी जनतेला केलंय.. स्टेज भाषण काँग्रेस नेते बाळासाहेब थोरात  V/O - नगरपरिषदेच्या निवडणुकेत आमने सामने मैदानात असलेल्या तांबे आणि खताळ यांच्या दोन्ही बाजूंकडून तुफान प्रचार , एकमेकांवर टीकेचा वर्षाव आणि घोषणांचा पाऊस सुरू संगमनेरची निवडणूक चांगलीच तापली आहे. प्रत्यक्ष दिसायला तांबे आणि खताळ यांच्यात निवडणूक जरी असली तरी खताळ यांच्यासाठी पालकमंत्री राधाकृष्ण विखे आणि सुजय विखे हे मैदानात असून तांबे यांच्यासाठी बाळासाहेब थोरात यांनी पंजा चिन्ह न देता सिंहाला ताकद देत कंबर कसली आहे.त्यामुळे राज्यात संगमनेरच्या लढतीकडे सर्वांचे लक्ष लागले असून विखे थोरात यांची प्रतिष्ठापणाला लागल्याचं चित्र दिसत आहे...कुणाल जमदाडे झी 24 तास शिर्डी उत्तर अहिल्यानगर..