नागपूर हिवाळी अधिवेशनाचे कामकाज येत्या ८ डिसेंबरपासून सुरू विधिमंडळ सचिवालयाचा मोठा ताफा नागपुरात दाखल झाला आहे. मुंबई येथून आलेले अधिकारी, विविध विभागातील जवळपास ४०० कर्मचारी दाखल यापूर्वी पोलिसांकडे असलेली विधानभवनाची सुरक्षा गुरुवारी सकाळी विधिमंडळाच्या रक्षकांनी आपल्या ताब्यात घेतली. आता विधानभवनात प्रवेश करणाऱ्या प्रत्येक व्यक्ती व वाहनाची काटेकोर तपासणी केली जात आहे. विविध विभागांनी आपल्या कागदपत्रे व साहित्याची मांडणी सुरू केली असून शनिवार–रविवार या दोन दिवसांत सर्व आवश्यक व्यवस्था पूर्ण केली जाणार आहे. सोमवारपासून सचिवालयाचे प्रत्यक्ष कामकाज सुरू होणार असून लक्षवेधी ठराव, प्रस्ताव व अधिवेशनाशी संबंधित अन्य तयारीला वेग येणार आहे. वरिष्ठ अधिकारी मात्र मुंबईतील सल्लागार समितीची बैठक संपल्यानंतर नागपुरात दाखल होणार.