कोल्हापूर जिल्ह्यातील शिरोळ तालुक्यात स्वाभिमानी शेतकरी संघटनेला पुन्हा एकदा दणका बसलाय. विधानसभेला स्वाभिमानी शेतकरी संघटनेच्या चिन्हावर शिरोळ विधानसभा मतदारसंघातून निवडणूक लढविलेल्या माजी आमदार उल्हास पाटील यांनी शिंदे गटाची कास पकडली आहे. येत्या काही दिवसात उल्हास पाटील हे शिवसेनेत प्रवेश करणार आहेत. काही दिवसापूर्वी स्वाभिमानी शेतकरी संघटनेचे नेते राजू शेट्टी यांनी जयसिंगपूरमध्ये महाविकास आघाडीच्या नेत्यांसोबत पत्रकार बैठक घेऊन महाविकास आघाडी सोबत नगरपरिषद निवडणूक लढवणार असं जाहीर केलं होतं. त्यानंतर आता उल्हास पाटील यांनी आपली भूमिका बदलून शिरोळचे अपक्ष आमदार राजेंद्र पाटील यड्रावकर यांची भेट घेऊन शिंदे गटात प्रवेश करण्यासंदर्भात भूमिका मांडली आहे.