कोल्हापुरातील तपसिद्धी स्कूल ऑफ भरतन नाट्यमच्या 4 मुलींनी एवरेस्ट बेस कॅम्पवर भरतनाट्यम नृत्य सादर केलंय. एवरेस्ट बेस कॅम्पच्या प्रवासामध्ये एकूण तीन वेळेला हे भरतनाट्यम सादर करण्यात आले आहे . जमिनीपासून तब्बल 18200 फुटावर हे भरतनाट्यम सादर करण्यात आल असून या भरतनाट्यम नृत्याच्या माध्यमातून एवरेस्टला मानवंदना देण्यात आले. तपसिद्धी स्कूल ऑफ भरतनाट्यमच्या संयोगिता पाटील , दिव्या वारके, मिताली महाराज आणि प्रांजल दळवी यांनी हे भरत नाट्य सादर केले. एवरेस्ट बेस कॅम्प सर करत असताना तापमानामध्ये चढ उतार, गोठवणारी थंडी असते. असं असतानाही अत्यंत कमी म्हणजे उणे 8 अंश तापमानामध्ये बिना बूट आणि बिना ग्लोज या चार नृत्यांगणाने भरतनाट्यम सादर केले. जगामध्ये अशा प्रकारचा पहिलाच उपक्रम असल्याचा दावा तपसिद्धी स्कूल ऑफ भरतनाट्यम च्या वतीने करण्यात आला आहे. त्यामुळे हा एक प्रकारचा रेकॉर्ड असल्याचा देखील नृत्यांगनांचा दावा आहे.