आमदार पुत्राच्या परक्रमानंतर माजी आमदाराची निवडणूक आयुक्तांकडे तक्रार दाखल बुलढाणा नगर परिषदेच्या निवडणुकीदरम्यान मोठ्या प्रमाणात बोगस मतदान सुरू असल्याचा आणि काही बोगस मतदार पकडले गेल्याचा गंभीर प्रकार उघडकीस आला आहे. पकडलेल्या बोगस मतदारांना वाचवण्यासाठी सत्ताधारी पक्षातील लोकप्रतिनिधींच्या हस्तकांनी हस्तक्षेप करून मतदाराला पळवण्याचा प्रयत्न केल्याचा आरोप भाजपने केला आहे. भाजपचे बुलढाणा जिल्हाध्यक्ष तथा माजी आमदार विजयराज शिंदे यांनी निवडणूक आयुक्तांना पत्र लिहून या संपूर्ण प्रकरणाची चौकशी करण्याची आणि दोषींवर कठोर कारवाई करण्याची मागणी केली आहे.