पॅलेस्टाइन व गाझामधील नागरिकांना मदतीसाठी ९० लाख ९९ हजार रुपये जमवणाऱ्या महाभागाने त्यातील फक्त १० लाख रुपये पुढे पाठवले, तर उर्वरित रक्कम लाटली असल्याचा प्रकार समोर आला आहे. छत्रपती संभाजी नगर मध्ये हा प्रकार पुढं आला आहे... केवळ ९० दिवसांच्या कालावधीतच हा प्रकार केला आहे. आरोपीच्याच खात्यातून 'गो फंड मी डॉट कॉम' या पोर्टलवर 14 व्यवहार द्वारे 10 लाख 24 हजार परदेशात पाठवल्याचे तपासात निष्पन्न झाले. मात्र आता उर्वरित रकमेचा कुठलाही हिशेब त्याच्याकडे नाही. त्यामुळे ही रक्कम हवाल्याच्या माध्यमातून पाठवण्यात आली की, टेरर फंडिंगसाठी वापरण्यात आली याचा तपास सुरू आहे. सय्यद बाबर अली सय्यद महेमूद अली ऊर्फ सय्यद बाबर अली रजवी कादरी असे आरोपीचे नाव असून एटीएस पथकातील कर्मचाऱ्याच्या फिर्यादीनुसार त्याच्यावर सिटी चौक ठाण्यात गुन्हा दाखल केला आहे.. आरोपी करत असलेल्या व्यवहारावर दहशतवाद विरोधी पथकाचे गेल्या काही दिवसांपासून नजर होती , एटीएस ना त्याला पैसेही पाठवले आणि त्याच्यानंतर ट्रॅक करून त्याला चौकशीसाठी ताब्यात घेतले आहे.. कुठल्या दहशतवादी संघटनेला तर हा पैसा गेला नाही ना या दृष्टीने हा तपास वेगाने सुरू आहे..