आमदार रईस शेख यांनी वंदेमातरम गीता विरोधाच्या निषेधार्थ मोर्चा. मोर्चात शेकडो हिंदू व स्थानिक सहभागी. बंकिमचंद्र चॅटर्जी’ लिखित ‘वंदे मातरम’ या राष्ट्रीय गीताचे ३१ ऑक्टोबर रोजी पूर्ण गायन करावे, अशी राज्यातील सर्व शाळांवर लादण्यात आलेली सक्ती मागे घ्यावी, अशी मागणी समाजवादी पक्षाचे ‘भिवंडी पूर्व’चे आमदार रईस शेख यांनी मुख्यमंत्री आणि शिक्षण मंत्र्यांना केली आहे. सरकार गुणवत्तापूर्ण शिक्षणाऐवजी ज्ञानाच्या क्षेत्रात धार्मिक मुद्दे आणून ‘आरएसएस’चा सांस्कृतिक अजेंडा रेटत आहे, असा आरोप आमदार रईस शेख यांनी केला होता. तसेच शालेय शिक्षण विभागाने ‘वंदे मातरम’ गीत गायनाच्या शाळांवर लादलेल्या सक्तीचा आम्ही निषेध करत आहोत. शासनाने तातडीने हा निर्णय मागे घ्यावा. अशी मागणी केली होती, या मागणीच्या निषेधार्थ भिवंडीतील भुमीपूत्र चौक पोगाव फाटा, न्युज इंग्लिश स्कूल चाविंद्रा, शाळेसमोर शेकडो हिंदूनी एकत्र येत आमदार रईस शेख यांच्या विरोधात घोषणाबाजी करत निषेध व्यक्त केला.