आषाढी आणि कार्तिकी अशा दोन्ही एकादशीना महापूजा करायला मिळाली. हे आमचे भाग्य आहे. देवाच्या आशीर्वादानुसार आपण मस्तक ठेवत असतो. यापुढेही विठोबाचा आशीर्वाद राहू दे. आगामी निवडणुकीसाठी एकनाथ शिंदे साहेब यांना ताकद विठ्ठल देणार आहे. म्हणूनच कार्तिकीची महापूजा मिळाली. तर आषाढी वारीची विठोबाची शासकीय महापूजा करायला आपणास निश्चित आवडेल. अशी इच्छा एकनाथ शिंदे यांच्या पत्नी लता शिंदे यांनी व्यक्त केली. कार्तिकी एकादशीची विठ्ठलाची शासकीय महापूजा एकनाथ शिंदे आणि लता शिंदे यांनी केली. यानंतर पुढील वर्षी आषाढीची महापूजा करायला आपणास नक्कीच आवडेल. असेही लता शिंदे म्हणाल्या. आषाढीला मुख्यमंत्री तर कार्तिकीला उपमुख्यमंत्री विठ्ठलाची महापूजा करत असतात. यातच कार्तिकीची महापूजा केल्यानंतर लता एकनाथ शिंदे यांनी विठ्ठलाची आषाढीची पूजा करायला आवडेल. अशी इच्छा व्यक्त केली आहे. तसेच , बळीराजापुढील संकट दूर करण पाऊस थांबू दे. असे साकडे विठोबाकडे घातले असल्याचेही लता शिंदे यांनी सांगितले.