कार्तिकी एकादशीची शासकीय महापूजा राज्याचे उपमुख्यमंत्री एकनाथ शिंदे यांनी सपत्नीक सहकुटुंब केली. यावेळी नांदेड जिल्ह्यातील वालेगावकर दाम्पत्याला मानाचा वारकरी बनण्याची संधी मिळाली. मोहोळ तालुक्यातील दोन जिल्हा परिषद शाळेतील विद्यार्थ्यांना सुद्धा शासकीय महापूजा वेळी उपस्थित राहण्याची संधी उपमुख्यमंत्री एकनाथ शिंदे यांनी बळीराजा वरचे अरिष्ठ दूर कर सुख समाधानाचे दिवस त्यांच्या आयुष्यात येऊ दे, असे साकडे महापूजा वेळी उप मुख्यमंत्री एकनाथ शिंदे यांनी घातले आहे. कार्तिकी एकादशीच्या शासकीय महापूजा वेळी नांदेड जिल्ह्यातील हिमायतनगर तालुक्याच्या पोटा येथील रामराव वालेगावकर आणि सुशीला वालेगावकर या शेतकरी दांपत्याला संधी मिळाली तर यावेळी प्रथमच जिल्हा परिषद शाळेतील मोहोळ तालुक्यातील पापरी येथील विद्यार्थिनी मानसी माळी आणि समाधान थोरात उपस्थित राहण्याची संधी मिळाली. शासकीय महापूजा वेळी विठुरायाला गुलाबी रंगाची अंगी केशरी रंगाचे सोवळ सोन्याचा मुकुट कपाळी चंदनाचा टिळा गळ्यात तुळशीहार असा सुंदर साज करण्यात आला होता विठुरायाचे हेच रूप पाहण्यासाठी लाखो भाविक पंढरी नगरीमध्ये दाखल झाले आहेत