दिवाळी अवघ्या काही दिवसांवर येऊन ठेपली आहे. त्यामुळे दिवाळीसाठी लागणा-या विविध वस्तू बनवण्याचं कामही अनेक ठिकाणी सुरु आहे. रत्नागिरीतील अविष्कार या गतिमंद शाळेतील मुलंही दिवाळीसाठी लागणारे आकर्षक असे आकाश कंदिल, पणत्या, ग्रीटींग्स, सुगंधी उटणे, विविध रंगबीरंगी मेणबत्ती तयार करण्यात व्यस्त आहेत. या विद्यार्थ्यांनी बनवलेल्या वस्तूंना बाजारपेठेतही चांगली मागणी असते. या वस्तूंच्या विक्रीतून जो नफा मिळतो, त्यातील 60 टक्के नफा या मुलांना दिला जातो. गेल्या 30 वर्षाहून अधिक काळ हा उपक्रम या आविष्कार संस्थेत रत्नागिरीत राबवला जात आहे. त्यामुळे या मुलांना स्वतःच्या पायावर उभं राहण्यास बळ मिळतं.