पालघर - वाडा तालुक्यातील अंभई येथे असलेल्या छेडा फूड्स कंपनीपासून सध्या येथील शेतकरी त्रस्त आहेत. कंपनीतून निघणार सांडपाणी आणि वेस्टेज थेट नैसर्गिक नाल्याने शेतकऱ्यांच्या शेतांमध्ये सोडण्यात येत असल्याने शेतकऱ्यांचा मोठ्या प्रमाणावर नुकसान होत असल्याचा चित्र समोर आला आहे. या कारखान्यातून निघणाऱ्या वेस्टेज पाणी शेकडो शेतकऱ्यांच्या शेतातून जात असल्याने येथील अनेक विहिरी आणि बोरवेल दूषित झाले आहेत. त्यामुळे गावात रोगांचा प्रादुर्भाव वाढला असून त्या कारख्यान्यावर कारवाई करण्याची मागणी सध्या ग्रामस्थांकडून करण्यात येत आहे . कंपनी विरोधात मागील अनेक वर्षांपासून ग्रामस्थ आणि ग्रामपंचायत महाराष्ट्र प्रदूषण नियंत्रण मंडळाकडे तक्रार करत असतानाही महाराष्ट्र प्रदूषण नियंत्रण मंडळ याकडे दुर्लक्ष करत असल्याने ग्रामस्थांकडून संताप व्यक्त करण्यात येतो.