टायटल:-- चंद्रपूर के ताडोबा-अंधारी व्याघ्र प्रकल्पाच्या वेबसाईटमधील नामसाधर्म्याचा गैरवापर करत पर्यटकांची फसवणूक , आतापर्यंत क्षेत्र संचालकांनी दोन तारखांना दोन वेगवेगळ्या तक्रारी पोलीस अधीक्षकांकडे केल्याचे स्पष्ट, पोलिसांनी सुरू केला तपास अँकर:-- चंद्रपूर के ताडोबा-अंधारी व्याघ्र प्रकल्पाच्या वेबसाईटमध्ये नामसाधर्म्याचा गैरवापर करत पर्यटकांची फसवणूक झाल्याचा प्रकार पुढे आला आहे. आतापर्यंत ताडोबा-अंधारी व्याघ्र प्रकल्पाच्या क्षेत्र संचालकांनी चालू वर्षातील दोन तारखांना दोन वेगवेगळ्या तक्रारी पोलीस अधीक्षकांकडे केल्याचे स्पष्ट झाले आहे. याप्रकरणी पोलिसांनी तपास सुरू केला आहे. ताडोबात राजकीय नेते, सेलिब्रेटी, सामाजिक क्षेत्रातील प्रख्यात व्यक्ती व्याघ्र दर्शनासाठी येत असतात. वाघाची एक झलक बघण्यासाठी पर्यटक कितीही रक्कम मोजण्यासाठी तयार असतात. अनेकदा जंगल सफारीची बुकिंग ही पर्यटकांना मिळत नाही. त्यामुळेच पर्यटकांना बनावट वेबसाईटच्या माध्यमातून लुबाडण्याचे काम काही वर्षांपासून सुरू आहे. ऐनवेळी बनावट वेबसाईटवर बुकिंग केल्यानंतर ताडोबा जाण्याची संधी मिळत नसल्याने फसवणूक झालेल्या पर्यटकांनी या प्रकाराची प्रकल्प व्यवस्थापनाकडे तक्रार केली आहे. मागील ऑक्टोबर आणि नोव्हेंबर महिन्यात जवळपास १३ पर्यटकांची अशी फसवणूक झाली असून यासंदर्भात पोलीस अधीक्षक चंद्रपूर यांच्याकडे रीतसर तक्रार दाखल करण्यात आली आहे. पोलिसांनी याप्रकरणी तपास सुरू केला असला तरी सायबर तंत्राच्या माध्यमातून हा तपास केला जाणार असल्याने यात बरीच गुंतागुंत आहे. जिल्हा पोलीस अधीक्षकांकडे तक्रारी सोबत व्हाट्सअप संदेश ,बुकिंग व्हाउचर ,पेमेंट स्क्रीनशॉट व आवश्यक पुरावे देण्यात आले आहेत. https://mytadoba.mahaforest.gov.in ही ताडोबा टायगर सफारीची अधिकृत वेबसाईट असल्याचे अधिकाऱ्यांनी स्पष्ट केले आहे. बाईट १) डॉ. प्रभुनाथ शुक्ला, क्षेत्र संचालक, ताडोबा-अंधारी व्याघ्र प्रकल्प आशीष अम्बाडे झी मीडिया चंद्रपूर