अकोला जिलेतील हिवरखेड येथे आयोजित उपमुख्यमंत्री एकनाथ शिंदे यांच्या सभेपूर्वी आज एका वेगळ्याच कार्यक्रमाला रंग चढला. नेत्यांचा कार्यक्रम उशिरा होणं काही नवीन नाही, पण दुपारी 2.30 ची वेळ देऊनही संध्याकाळचे 5 वाजले तरी नेता हजर नाही, तेव्हा सकाळी 11 वाजता पासून खुर्ची पक्की पकडून बसलेल्या कार्यकर्त्यांनी जागा सोडायची नाही म्हणून बसूनच राहण्याचा निर्णय कायम ठेवला. पण… त्यांच्या सोबत आलेली लहान मुलं एवढा वेळ शांत बसणार तरी कशी? खुर्चीचा मोह नसल्याने आणि कंटाळा शिगेला पोचल्याने मुलांनी अखेर जाहीरचं चलं, खेळू. मग खेळायलाही साहित्य हवं ना? त्यासाठी निवड झाली ती सभास्थळी लागलेल्या पक्षाच्या पोस्टर्स, बॅनर्स आणि पक्षचिन्हांच्या बिल्ल्यांची.. थोड्याच वेळात मुलांचा खेळ सुरू कोण धनुष्यबाणाच्या बिल्ले हवेत उडवतोय, कोण पोस्टरची कागदी रॉकेट बनवतोय, तर कोणाच्या हातात पक्षाचा बिल्ला म्हणजे इंटरनेशनल खेळ पेक्षा भारी खेळणे.. नेत्यांची सभा अडीच तास उशिरा झाली, तोवर मात्र या मंचाशेजारी छोट्यांची खास सभा रंगात आली होती. गर्दीतल्या कार्यकर्त्यांचा कंटाळा वाढत असताना लहानग्यांनी पक्षचिन्हांच्या खेळातून सभेच्या वातावरणात अगदी बालसुलभ करमणूक पेरली. अखिर, नेता वेळेवर आला नाही तरी मुलांनी मात्र स्वतःची एंटरटेनमेंट शोधून काढली.