રાજકોટ شہرની હવામાં ફરી એકવાર પ્રદૂષણનું ઘેરું વાદળ છવાતું દેખાઈ રહ્યું છે. છેલ્લા કેટલાક દિવસોથી રાજકોટમાં એર ક્વોલિટી ઇન્ડેક્સ સતત વધી રહ્યો છે. જેના કારણે નાગરિકોમાં ચિંતા ફેલાઈ છે. ગુજરાત પ્રદૂષણ નિયંત્રણ બોર્ડના પ્રાદેશિક અધિકારીએ આપેલા નિવેદન મુજબ, હાલ રાજકોટનો AQI ‘ગુડ’ અને ‘સેટિસફેક્શન’ કેટેગરી વચ્ચે ફેરફાર કરી રહ્યો છે. પરંતુ શિયાળાની અસરને કારણે હવામાં પ્રદૂષણનો સ્તર વધતો દેખાઈ રહ્યો છે. અધિકારી અનુસાર, શિયાળામાં ઉપરના લેવલે તાપમાન ઓછું અને જમીન પાસે વધુ રહે છે. જેના કારણે ઇન્વર્ઝનની પ્રક્રિયા સર્જાય છે. આ પ્રક્રિયામાં હવાના સ્તરો એકબીજા સાથે મિક્સ નથી થતા, જેના કારણે પ્રદૂષિત ગેસો ઉપર ન જઈ શકતા હોય છે અને શહેરની હવામાં જ ફસાય જાય છે. પરિણામે AQI લેવલ વધી જાય છે. પર્યાવરણ વિભાગે નાગરિકોને અપીલ કરી છે કે શહેરનું એર ક્વોલિટી જાળવવા માટે શક્ય તેટલો પબ્લિક ટ્રાન્સપોર્ટનો ઉપયોગ કરો, વ્યક્તિગત વાહનોનો ઉપયોગ ઓછો કરો અને ખુલ્લામાં કચરો કે બાયો-વેસ્ટ સળગાવવાનું ટાળો.