અમદાવાદ મુનિસિપલ કોર્પોરેશનની લીગલ કમિટીની મહત્વની બેઠક મળી. જેમાં ગુજરાત હાઇકોર્ટમાં થયેલી PILમાં AMC ની તરફેણમાં ચુકાદો આવ્યો હોય તમામ ગેરકાયદે બાંધકામ તાત્કાલિક દૂર કરવાની કામગીરી તંત્રને આદેશ આપવામાં આવ્યા. AMC તરફથી સ્મોલ કોર્ટથી લઈને સુપ્રીમ કોર્ટ સુધી વિવિધ કેસ લડતા વકીલોની વર્તમાન ફી માં 50 ટકાનો વધારો કરવાનો નિર્ણય કરવામાં આવ્યો. ઉદાહરણ તરીકે amc કોઈ એક વકીલને એક હાજરી માટે 5000 ચૂકવતી હોય તો હવેથી તે વકીલને 7500 ચૂકવવાનું નક્કી કરવામાં આવ્યું. ઉલ્લેખનીય છે કે amc પાસે 30 એડવોકેટની મોટી ફોજ છે. જેઓનને વર્ષે કરોડો રૂપિયા amc તરફથી ફી પેટે ચુકવવામાં આવે છે. છતાં પણ સેંકડો કેસમાં amc ની હાર થતી હોય છે.